Populasaun Aldeia Betulale 2.980 Simu Sesta Bazika

BAUCAU, STLNEWS.co – Komunidade iha Aldeia Betulale, Suku Tirilolo, Postu Administrativu Baucau Vila hamutuk 2.980 simu tan sesta bazika husi kompania SAI LA FILA.

Informasaun nee hatoo husi Xefe Suku Tirilolo, Ricardo Ernestu Belo iha nia knar fatin ba STL, Segunda (31/01/2021) hateten, husi aldeia betulale populasaun hamutuk 2.980 mak simu programa sesta bazika no hela nain 30 mak seidauk maibe sei hein sira too fatin atu simu direitu ba programa nee.

“Husi Aldeia betulale 2.980 pesoas mak atu simu sesta bazika, no komesa agora menus ona hela deit ona nain tolu nulu mak seidauk simu sira nia jatah, maibe ami sei hein sira para sira mos mai simu sira nia sasan sira nee,” dehan Xefe Suku Tirilolo nee.

Iha fatin hanesan Supervisor ba kompania SAI LA FILA, Manuel João Batista hateten, sasan neebe mak fahe iha Suku Tirilolo ba Aldeia Betulale hamutuk item sanulu resin neen (16) no husi item hirak neebe mak fahe ba populasaun sira iha Suku Tirilolo aprova husi parte kompetente.

Nia hatutan, item hira neebe mak fahe ba populasaun husi Aldeia Betulale husi inisiu too ohin laiha problema tanba komunidade kontente ho sasan hirak neebe mak kompania fahe.

“Hau fahe iha Aldeia Betulale item hanesan deit hanesan foos hau fo 10 kilo, batar uut, batar hikis, mina nuu virgen, hand sanitizer, sasan barak neeba hamutuk 16 item molok ami mai distribui sasan sira nee mos ami apresenta iha ministeriu, ministeiru aprova mak ami foin lao tuir orientasaun ministeriu nian, sasan neebe ami fahe ba komunidade Betulale laiha problema buat hotu lao ho diak” dehan Manuel.

Manuel promete sei kontinua fahe tuir kontratu neebe mak kompania asina ba programa sesta bazika iha Suku Tirilolo, tanba Suku Tirilolo iha aldeia neen no husi aldeia nee nee aldeia lima simu hotu ona maibe sei falta aldeia ida mak seidauk simu.

Iha fatin hanesan, benefisiariu Ana Maria Belo sente kontente tanba simu ona sasan hira neebe mak kompania nee oferese liu husi programa sesta bazika.*

Reportajen: MJ-1
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: