Posibilidade Segunda Ro Success Tula Pasajeirus

Prezidente Aportil, Flavio Cardoso Neves. (Foto: STL/Jacinta Sequeira)

DILI, STLNEWS.co – Posibilidade Segunda ro Success tula pasajeirus husi Dili ba iha Oecusse, maibe kumpri nafatin regra husi Ministeiru Saude hanesan uza maskara no distansia fiziku.

Prezidente Aportil, Flavio Cardoso Neves hatete, ro Success kontinua tula sasan nesesidade baziku ba populasaun iha RAEOA, maibe posibilidade Segunda ro Succes bele halo operasaun husi Dili ba iha Oecusse.

“Ita dehan la tula pasajeirus nee ba deit iha Oecusse, maibe Atauro nian sei lao normal, hau hanoin ohin Success ba, atu bele tula pasajeirus normal, maibe tenke haree ba iha protokolu ou saude nian, oinsa atu uza maskra, distansia ema nian, hau hanoin ida nee sei nafatin, hau hanoin Oecusse nian desizaun sai tiha ona, ita bele dehan, tula sasan nesesidade baziku ba nafatin iha Oecusse, ida nee ita mos implementa, tanba Sabadu nee ita haruka ba, neebe nafatin tula nesesidade baziku ba iha Oecusse. Hau hanoin too tgl 18 Segunda semana oin, loraik nee ro husi Dili ba Oecusse,” dehan Prezidente Aportil ba STL, iha portu Dili, Kinta (14/01/2021).

Nia hatutan, ema sira neebe mak pasa ferias loron boot natal ho tinan foun nian iha Oecusse, balun too agora seidauk fila mai Dili, tanba ro la halai, balun estudantes no funsionariu, sira labele mai Dili, neebe ema neebe iha Oecusse mai Dili, nee barak tebes maibe oinsa mak atu organiza halo diak.

“Hau hanoin 18 entaun tanggal 19 nee ro husi Oecusse bele tula ona pasajeirus sira nee mai fali iha Dili, iha nee mos organiza hela importante mak ita nafatin kumpri regras sira EE nee, maibe tanggal 18 jam 12:00, ho ida nee tanggal 18 ro sai husi nee, para tanggal 19 ro husi Oecusse mai Dili, maibe ita nafatin haree kondisaun, para ro nee bele akomula hotu pasajeirus neebe husi Oecusse atu mai iha Dili,” nia dehan.

Nia dehan, nesesidade baziku ba populasaun sira Oecusse kontinua tula nafatin ba Oecusse ho ro Success, nee haree ba kompania balun neebe halo negosiu iha Oecusse, sira hakarak atu tula ba nee bele organiza, atu nunee ro bele fasilita tula sasan sira nee ba iha Oecusse, maibe presiza haree mos ba iha mina EDTL nian ba iha Oecusse.*

Reportajen: Jacinta Sequeira/Madalena Horta
Editora: Carme Ximenes

LEAVE A REPLY

Please enter your comment!
Please enter your name here