Povu Agrikultor Kontinua Ba Natar

DILI, STLNEWS.co – Maske iha aplikasaun serka sanitaria (SS) nia laran, maibe povu agrikultor sira iha Postu Administrativu Zumalai, Munisipiu Covalima kontinua ba natar, maibe nafatin uza maskra.

“Ita iha SS nian laran, maibe kada loron ita nian komunidade sira ba natar, para koa sira nia haree, tanba balun koa tiha ona, balun koa dadaun, no balun nian haree seidauk tasak, entaun seidauk bele koa. Dader ba natar uza maskra, balun sae karera trek, balun ojek no balun lao ain deit husi uma ba natar Begu,” dehan Maria Mendonça hanesan povu agrikultor ba STL liu husi telefone, Sabado (05/06/2021).

Nia dehan, fos karon neebe mak ema faan iha kios no loja, nee depende ba ema ba sosa sasan iha Dili, tanba atu ba sosa sasan mos tenke teste swab, rezultadu negativu mak ba Dili, maibe komunidade sira dadaun nee koa ona haree, no ema neebe la halo natar mak sosa fos karon.

Nunee mos João Lopes de Carvalho, hanesan Xefe Suku Zulo, Postu Administrativu Zumalai, Munisipiu Covalima dehan, dadaun nee komunidade barak hahu koileta ona haree, tanba nee, hirak neebe halo natar, no iha haree la sosa ona fos karon, tanba balun koa liu ona, balun kontinua koileta nafatin.

“Hau hanesan Autoridade Lokal, husu hau nia komunidade sira tenke uza nafatin maskra, tantu ba toos ou natar,” dehan nia.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: