DILI, STLNEWS.co – Povu paniku ba kombustivel nee hodi hafanu ukun nain sira, tanba Timor Leste (TL) iha kategoria produsaun mina, maibe sosa fali husi rai liur, bainhira atraza mosu implikasaun iha rai laran.
Asuntu nee hatoo husi Reitor UNPAZ, Adolmando Soares Amaral hatete, situasaun ida nee akontese horiseik, nee fo hanoin ba ukun nain sira, oinsa TL iha produsaun mina, tanba saida TL nia mina ba fali ema seluk.
“Hau sempre dehan nunee, iha Timor transporte motor no kareta ninia volume nee husi loron ida ba loron ida sempre aumenta, ita hotu hatene katak transporte aumenta, transporte sira atu funsiona nee bainhira iha kombustivel, ita kategoria halo produsaun kombustivel, maibe ita nian kombustivel nee faan ba rai seluk, ita hola fali husi nasaun seluk mak mai uza iha ita nian rai,” dehan Adolmando ba STL iha nia knaar fatin, Sesta nee (29/07/2022).
Iha parte seluk, Antonio Soares Martins, B.Gi, L.Gi, MTI, hanesan Visi Reitor I, asuntu akademia no estudantil hatete, nia sei okupadu ho servisu seluk neebe mak presiza atu haree.
“Hau sei okupadu hela ho workshop, nunee hau labele elabora resposta asuntu ida nee, tanba hau sei partisipa iha eventu seluk,” afirma nia.
(jac)
