Povu Sofre Iha SS – KO; PN Husu Governu Halo Ona Intervensaun

DILI, STLNEWS.co – Relasiona ho situasaun governu implementa Estadu Emerjensia (EE), Serka Saniataria (SS), no Konfinamentu Obrigatoiru (KO), hodi sulan povu laiha intervensaun husi governu halo deputadu sira iha Parlamentu Nasional (PN) husu govenu tau atensaun.

Deputadu bankada CNRT, Arão Noe hatete, los impaktu ida nee boot tebes, haree governu buka introdus buat rua, ida KO, SS, no EE nunee halo introdus rekoperasaun ekonomia, maibe iha parte ida sulan tiha povu sira oinsa atu rekopera ekonomia. Situasaun afeta duni ba povu iha mundu tomak, maibe komisaun lao haree industria kiik oan sira atividade lao hela, loja sira mos loke hela.

“Solusaun atu povu labele sofre nee governu tenke buka alternativu seluk hodi sai husi situasaun nee, selae ekonomia la rekopera, povu terus ba hamlaha, i numeru covid mos sei aumenta,” informa Arao ba jornalista, sesta (04/05/2021) iha PN.

Nia dehan, governu tenke buka alternativu diak liu, atu nunee husik povu lao halao atividade maibe tuir regras, tanba sulan, oinsa mak povu buka moris. Neebe politika KO, SS lafavorese ba povu atu haforsa an kontra moris.

Tuir nia, se sulan povu laiha intervensaun nee oinsa povu moris, tanba nee husu governu tenke halo intervensaun ba povu sira atu nunee labele sofre iha situasaun.

Nunee mos Deputadu husi bankada FRETILIN, Antoninho Bianco hatete, governu tau ona ema sira atu rekolla dadus husi aldeia, suku, postu administrativu no munisipiu hodi hatoo mai iha nivel nasional hodi haree.

Nia dehan, ida nee Estatal mak koordena hodi haree aldeia neebe mak hamlaha no iha uma kain hirak, nunee sira hatoo dadus mai nunee liu husi Ministeriu Sosial e Sentru Lojistiku Nasional hodi bele apoiu ona aihan ba komunidade sira.

Tanba hahan iha hela armajen sira nee, maibe laos ba komunidade sira deit, ba mos estudante sira hotu, tanba nee mak mekanizmu koordenasaun klaru katak sei tuir regras neebe iha.

Nia rekonese, haree ba povu sira afetadu nee iha Dili, maibe iha munisipiu balu halao atividade hanesan toos, natar, maibe Dili laiha toos ho natar.

“Ita Timor iha Dili laran afetadu duni ba hamlaha, maibe haree be vendedor ambulante atividade lao hela, importante mak kumpre regras. Maibe ekonomikamente iha mundu nee afetadu hotu tanba covid-19”, katak Bianco.

Prezidente komisaun D nee katak, sira komisaun halo hela fiskalizasaun, maibe tanba dehan tenke kumpre regras neebe labele lao rame-rame, dalaruma lao kada pesoal atu hodi haree, dalaruma akompana husi sosial media sira no Facebook, neebe nia sujere governu atu tau atensaun ba komunidade iha sira.*

Reportajen: Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: