PR Promulga Dekretu Lei Apoiu Estraordinariu Ba Insersaun Iha Merkadu Traballu

DILI, STLNEWS.co – Prezidente Republika Francisco Guterres Lu Olo, promulga ona dekretu lei apoiu estraordinarios ba insersaun iha merkadu traballu.

Liu husi komunikadu neebe mak STL asesu husi media PR Sesta nee (27/08/2021) hatete, Prezidente Republika Francisco Guterres Lú Olo, promulga dekretu lei konaba apoiu estraordinárius ba insersaun iha merkadu traballu hodi tulun traballador sira neebe sai dezempregu, tanba impaktu sosiu ekonomiku husi implementasaun medidas prevensaun no kombate pandemia Covid-19.

Implementasaun medidas prevensaun no kombate pandemia Covid-19 lori impaktu ba atividade ekonomiku neebe menus, numeru dezempregu aumenta no risku sai kiak. Situasaun nee hetok iha impaktu boot liután ho inundasaun neebe akontese iha loron 4 fulan Abril tinan 2021. Tanba nee estadu halo aprovasaun ba medidas apoiu ba empregu liu husi lei numeru 8/2021, loron 3 fulan Maiu.  

Liu husi programa “traballu contra remuneração” iha ámbitu “Supporting Flood Response and Recovery Project” ho apoiu finanseiru hamutuk US$ 1.000.000 (miliaun ida dólares norte-amerikanu) jere husi Programa Nasoins Unidas ba Dezenvolvimentu (PNUD) no ho koordenasaun ho Sekretária Estadu Formasaun Profissional no Empregu (SEFOPE) sei benefisia traballadores besik 5000 iha 50 aldeias.

Programa nee sei lori impaktu liután, liu husi promove insersaun traballador sira iha merkadu traballu no insentiva partisipasaun setor privadu hodi fó apoiu finanseirus ba empreza no traballador sira.

Dekretu lei fó dalan ba governu atu fó apoiu ba empregu liu husi pagamentu ba empreza to’o 70% husi kustu remunerasaun ba nia traballador sira, livre husi dever atu selu kontribuisaun ba seguransa sosial no pagamentu ba súbsidiu estraordináriu dezempregu, no promove manuntensaun postu traballu, kontratasaun traballadores no hala’o hikas fila fali atividade ekonómika.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: