PR Promulga Ona Dekretu PN Konaba OJE 2021

DILI, STLNEWS.co – Prezidente Republika (PR) Francisco Guterres Lú Olo promulga ona dekretu Parlamentu Nasional, numeru 34/V refere ba alterasaun dahuluk Lei Orsamentu Jeral Estadu ba tinan-2021 no Aprovasaun Medidas Apoiu Sosiu ekonomikus.

Liu husi komunikadu neebe mak STL asesu husi media PR Tersa (04/05/2021) hatete, Prezidente Republika konklui katak dekretu Parlamentu Nasional nee tuir presupostu no rekezitus neebe iha konformidade ho dispozisoins aplikaveis Konstituisaun Republika no nia lei sira, nomos kondisoins polítikas ba nesesidade, konveniensia no premensia, ho nunee promulga Lei Orsamentu Jeral Estadu ba tinan-2021.

Parlamentu Nasional aprova alterasaun dahuluk ba Orsamentu Jeral Estadu neebe lori mudansa ba Orsamentu Administrasaun Sentral ho valor osan US$ 1.932.543.312 hetan aumentu US$ 135.300.000, fundu Covid-19 ho valór osan US$ 287.641.793, hetan aumentu US$ 256.641.793, fundu kontejensia US$ 65.151.800, hetan aumentu US$ 41.388.428.

Reseitas husi orgauns no servisus Administrasaun Sentral husi alterasaun Orsamentu Jeral Estadu ba tinan-2021 sae ba millaun US$ 1.932,5 , reseita petrolíferu estimada husi fundu petrolíferu mak millaun US$ 1.377,6.

Maske iha aumentu husi reseitas, alterasaun ba Orsamentu Jerál Estadu mantein nafatin Rendimentu Sustentavel Estimadu ho valór millaun US$ 547,9.

Alterasaun lejislativas prinsipais husi Dekretu Parlamentu Nasional iha relasaun ho Lei aprovasaun Orsamentu Jeral Estadu ba tinan-2021, iha Dezembru 2020 tanba medidas apoiu estensivas hodi hamenus efeitus negativus husi Covid-19, mota no bee sae iha 2020 no inundasaun iha 4 abril 2021.

Promulgasaun Lei Orsamentu Jeral Estadu no Aprovasaun Medidas Apoiu sei fo kbiit ba Governu atu fo apoiu empregu, subsidiu ba traballador sira, emprezariu sira, traballador servisu domestiku nian no jerentes no administadores, kontribuisaun sosial no dispensa kontributiva, subsidiu estraordinariu ba dezempregu, subsidiu estraordinariu ba eletrisidade, subsidiu estraordinariu ba renda, subsidiu ba estudantes, moratoriu ba kreditu no seguransa alimentar.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

MESSK Asina MoU Ho Ensinu Superior Publiku & Privadu

DILI, STLNEWS.co - Ministru Ensinu Superior Siensia no Kultura (MESSK), Longuinhos dos Santos, asina Memorandum of Understanding (MoU) ho ensinu superior publiku no privadu...

Komunidade La Kumpre Serka Sanitaria

DILI, STLNEWS.co - Komunidade la kumpre regulamentu prevensaun Covid-19 iha tempu serka sanitaria (SS), tanba governu la kria kondisaun neebe diak ba sira. Program Officer...
%d bloggers like this: