Preokupasaun CNRT Sai Realidade; Sesta Bazika Hamosu Diskriminasaun

Deputada Bankada CNRT, Virgina Ana Belo. (Foto: QUOCHOI.VN)

DILI, STLNEWS.co – Deputada Bankada CNRT, Virgina Ana Belo hatete, preokupasaun CNRT nian sai realidade tanba sesta bazika nafatin hamosu diskriminasaun entre sidadaun sira iha Dili ho sidadaun sira iha munisipiu, fahe sasan ho nia kualidade i kuantidade lahanesan.

Nia dehan, haree husi informasaun ka esplikasasun neebe MCAE fo sai relasiona ho produtu neebe atu uza ba iha sesta bazika katak, sei uza hotu produtu importadu sira.

“Hanoin fila fali katak, saida maka hau preokupa nee sai realidade, tanba bainhira atu implementa programa sesta bazika ami sempre husu ita nia produtu lokal sufisiente ka lae. Maibe membru governu sira neebe matenek mai tuur iha nee dehan katak, prontu i konfia ema hotu-hotu bele hetan no simu produtu lokal,” dehan nia liu husi plenaria iha PN, Segunda (22/02/2021).

Nia dehan. maibe realidade saida maka akontese tenke ba fila fali simu produtu sira neebe mai husi rai liur, aat liu maka produtu balu bainhira too iha suku ka ba too iha populasaun nia liman iha munisipiu barak maka ninia kualiadade ho nia kuantidade ladiak, no iha suku lubuk ida maka rejeita atu simu sasan sira nee.

“Hanesan ami hatete iha duni diskriminasaun entre populasaun sira iha Dili ho populasaun sira neebe iha munisipiu, nee ita haree momos hela,” tenik nia.

Nia hatutan, espera katak antes populasaun Timor laran tomak nafatin simu hahan, maske mai husi rai liur atu sira bele han hodi sustenta sira nia moris.*

Reportajen: Domingas Soares/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here