DILI, STLNEWS.co – Reprezentante povu iha uma fukun Parlamentu Nasional (PN), husu ba governu atu kria lei ida hodi regula presu sasan iha merkadu, ho nunee labele fo lukru liu ba kompania sira.
Kestaun nee fo sai husi Visi Prezidente Parlamentu Nasional, Deputadu Luis Roberto ba STL Tersa nee (26/04/2022) iha Parlamentu Nasional.
“Hau hanoin atu normaliza presu sasan nesesidade baziku iha merkadu, ita tenke iha dekretu lei ida, hodi regula presu sasan iha merkadu, karik la iha dekretu ida mak susar atu kontrola, no kompania importador sira bele halimar folin iha merkadu,” dehan Visi PN nee.
Nia afirma liu tan, sasan folin sae makaas fo impkatu boot ba povu kiik nia moris, tan nee governu labele koalia deit, maibe presiza lei hodi regula, tanba sasan neebe agora folin sae makaas iha merkadu rai laran nee maka nesesidade baziku no mos mina kombustivel, problema rua nee governu tenki rezolve lalais, tanba haree ba moris povu kiik nian, susar atu hetan rendimentu ho situasaun ida agora.
Kontinua ba pajina 2
