Presu Kafe Tun, Impaktu Rendimentu Agrikultor

DILI, STLNEWS.co – Presu kafe tun makas, impaktu ba rendimentu povu agrikultor iha baze, tanba nee husu governu kria presu neebe justu.

Tuir Adelino Borges hanesan Xefe Suku hateten, presu kafe tun makas, tanba nee impaktu ba rendimentu agrikuktor sira iha baze, no agora produtu neebe folin liu maka baunila no maek, tanba nee agrikultor iha Ermera, dezenvolve liu produtu rua nee, duke kafe, maibe atu garante fali presu kafe neebe justu maka governu tenke kria tabela ruma hodi regula folin, selae maka agrikultor sira prefere produtu neebe presu diak.

“Hau hanoin governu tenke kria presu neebe justu ba produtu sira nee, selae maka aban bain rua kafe sei la folin tan ona, no agrikultor sira mos sei la kuda tan kafe, tanba folin tun makas, kompara ho maek no baunila folin diak liu kafe,” dehan autoridade lokal nee ba STL liu husi telefone, Kuarta nee (07/07/2021).

Nia hatutan, haree ba produsaun kafe iha Ermera kada tinan nia kuantidade kontinua tun, tanba impaktu husi ai samtuku neebe atu fo mahon ba kafe hodi fo fuan diak, no ai sira nee hahu mate hotu ona, tanba tuan liu ona, tan nee husu ba Governu atu fasilita ai boris neebe diak ba povu agrikultor sira bele kuda, ho nunee bele salva netik kafe oan sira neebe foin sae.

Iha parte seluk Prezidente Camara Comersiu Industria Timor Leste (CCI-TL), Oscar Lima husu ba Ministeriu Agrikultura, atu tau importansia ba produsaun kafe iha Munisipiu Ermera, tanba kuantidade kada tinan tun, tan deit ai samtuku neebe atu fo mahon ba kafe sira nee, kuaze tuan no tohar hotu ona.

“Ami husu ba Governu atu tau importansia ba produsaun kafe iha Ermera, tanba kada tinan kuantidade tun, tanba deit ai neebe atu fo mahon ba kafe sira nee tuan no mate hotu ona, tan nee halo kafe labele fo fuan neebe diak, tan nee husu MAP oferese netik ai horis ruma, ho nunee bele ajuda kafe oan sira neebe sei iha, tanba povu Ermera moris depende ba kafe,” dehan Oscar Lima.

Ermera oan nee mos husu ba governu atu haree ai horis neebe diak, bele fasilita netik ba povu Ermera atu nunee bele garante nafatin kuantidade kafe iha Ermera, labele menus ba bebeik, tanba agora agrikultor sira hahu dezenvolve ona produtu seluk neebe nia folin diak tebes, hanesan maek no baunila.*

Reportajen: Madalena Horta/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: