Presu Maek Sae, Motiva Agrikultur

DILI, STLNEWS.co – Haree ba presu maek neebe sae makas iha merkadu nasional no Internasional, motiva tebes povu agrikultur no setor privadu barak, hahu investe tanba maek nia folin diak tebes, bele fo rendimentu diak ba agrikultur, no motiva nafatin agrikultur badinas produs.

“Presu maek agora sae makas tebes iha merkadu rai laran, no merkadu internasional, tanba nee motiva tebes povu agrikultur badinas produs, no setor privadu barak maka hahu investe, tan nee setor privadu hahu buka rai mamuk, iha Alas no Ermera atu kuda maek, tanba maek folin diak liu fali kafe ho Baunila,” kestaun nee fo sai husi Prezidente Camara Comersiu Industria Timor Leste (CCI-TL) Oscar Lima ba STL Sabado (10/07/2021) liu husi Whatsapp.

Nia katak, uluk liu ba kafe nia folin diak tebes, no tuir fali Baunila, agora tempu Maek neebe folin aas iha merkadu rai laran, nomos merkadu rai liur, ida nee motiva tebes povu agrikultur sira iha baze, no setor privadu sira mos hahu buka rai mamuk atu hakiak maek, tanba kuantidade exportasaun seidauk atinji merkadu husu, tan nee husu nafatin ba povu agrikultur kontinua badinas labele husik rai bokur abandona, maibe aproveita kuda netik produtu ruma hodi fo rendimentu.

Tuir Oscar Lima, povu agrikultur tenke badinas liu tan, tanba setor privadu prontu atu sosa produtu neebe agrikultur sira produs, foin dadauk kompania Timor oan balun sosa ona produtu oin oin inklui maek, kontainer lubuk ida exporta ona ba nasaun tolu ka hat, maibe produtu maek nia kuantidade sei kiik, tanba nee agrikultur tenke badinas liu tan hodi responde ba merkadu.

Iha parte seluk, Fernando Marques (Xefi Suku) hatutan, produtu maek nia folin diak tebes, tan nee povu agrikultur sira mos badinas produs, tanba setor privadu sira ba sosa kedan iha fatin no nia folin mos diak tebes.

“Ita haree povu agrikultur sira produs tuir tempu deit no produtu ida neebe maka nia folin diak liu, maka sira produs ida nee deit, uluk produtu baunila nia folin diak tebes tan nee agrikultur hotu hotu badinas produs, hafoin baunila folin tun agrikultur sira halai ba kuda fali maek, tanba folin diak, no fo duni rendimentu ba produtor sira,” dehan autoridade lokal nee.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: