Presu Nesesidade Baziku Aas Iha Munisipiu

ERMERA, STLNEWS.co – Presu nesesidade baziku sae makaas iha Munisipiu Ermera, tanba iha kapital Dili folin nesesidade baziku mos sae hodi fo impaktu ba povu kiik neebe laiha kbiit atu sosa.

Turi Diretor Loja Ave Maria, Mateus de Araujo hatete, folin nesesidade baziku sae mak iha munisipiu, tanba kompania distributor sira lori mai faan too munisipiu nia folin sae nanis ona hanesan nee, foos 25 kg langanan antar to’o Gleno ho presu US$ 12.075, faan tutan fali ba US$ 13.050,  mie sedap goren ema antar mai ho presu US$ 6.090, faan tutan US$ 7, balun faan US$ 7.025, Masin midar iha Dili ho folin US$ 34 sira antar mai US$ 35, no faan tutan US$ 37, mina bimoli tangun faan iha Dili  US$ 21.050, mina litru 5 faan iha Dili US$ 25.050, mai faan tutan US$ 22.050.

“Ami la halo manipulasaun ba presu nesesidade baziku, ami faan tuir presu neebe mak langanan lori mai to’o iha ami nia fatin, ami hetan deit 0,25 centavos to’o US$ 1, maske presu nesesidade sira nee diferente oituan, maibe rendimentu ladun iha, tanba Covid-19 impede atividade hotu, hodi halo povu labele book an buka osan,” dehan nia ba STL Segunda nee (13/09/2021) iha Gleno, Ermera.

Nia hatuir liu tan, durante estabelese Serka Sanitaria (SS) iha Munisipiu Ermera, nee langanan sira lori sasan nesesidade baziku husi nasional mai to’o munisipiu ho folin neebe diferente.

Iha fatin hanesan, Jose da Costa hanesan negosiante hatete, presu nesesidade baziku nia folin sae, tanba governu liu – liu AIFAESA la halo nia knaar ho lolos, hodi kontrola presu iha super merkadu, ka kompania importador sira hodi haree presu neebe justu.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: