DILI, STLNEWS.co – Progresu dezenvolvimentu iha rai laran durante tinan 20 lao, hahu husi primeiru governu mai too governu ida nee, maibe iha buat balu presiza hadia.
Kestaun nee fo sai husi Prezidente Camara de Comercio e Industria de Timor Leste (CCI-TL), Oscar Lima ba STL Domingu nee (15/05/2022) liu husi telfone.
“Ita nia dezenvolvimentu iha rai laran lao, hahu kedas husi primeiru governu mai too agora, maibe iha parte balu hanesan area remotas sira nee, ita tenki tau atensaun nafatin,” dehan Oscar Lima Prezidente CCI-TL.
Nia mos afirma liu tan, governu halo ona buat barak, hahu husi primeiru governu mai too agora, tan nee ida neebe seidauk halo, ba oin tenki toma atensaun nafatin, tanba hahu husi primeiru governu mai too agora, sira nia objetivu ida deit mak atu dezenvolve rai ida nee, tan nee dezenvolvementu iha rai ida nee lao.
Oscar Lima sujere ba lider nasional sira atu tuur hamutuk, hodi haree ba dezenvolvimentu iha rai ida nee.
(mad)
