Progresu Ezekusaun Medidas Sosio Ekonomia 2021

DILI, STLNEWS.co – Iha fulan maiu 2021, Prezidente Repúblika promulga ona lei Orsamentu Jerl Estadu (OJE) Retifikativu hafoin hetan aprovasaun finál globál iha Parlamentu Nasionál ho votu afavor 44 (68%), kontra 0 no abstensaun 20.

Ho promulgasaun nee, lori mudansa iha dotasaun orsamentál lubun ida inklui dotasaun Fundu Covid-19, neebe ho montante inísiu millaun $31 hetan ona aumentu ho montante millaun $256,6 nunee ninia total orsamentu final hamutuk millaun $287,6, no progresu ezekusaun real tuir medidas sosio ekonomiku.

Tuir press release neebe STL Asesu iha Sabadu (11/09/2021) nee katak, mudansa iha dotasaun Fundu Espesial Covid-19 nee, fo biban ba Governu hodi finansia medidas sosio-ekonomiku neen (6) mak hanesan, Apoiu ba empregu, Moratoria de Creditu, izensaun pagamentu propinas no subsídiu internet ba estudantes ensinu superior, sosa produtu alimentar husi produtor lokal, apoiu ba traballador liña-frente, medidas mitigasaun no prevensaun Covid-19 inklui finansiamentu operasaun Sentru Integradu Jestaun Krize (SIJK) tanba nee progresu ezekusaun real tuir medidas sosio ekonomiku. Moratoriu de credito, ezekuta ona 100% iha fulan Jullu 2021, Ministeriu Finansas halo ona transferensia millaun $2 ba Banku Sentral Timor Leste hodi ezekuta Programa Moratoria de Credito.

Pagamentu ba sesta baziku konklui ona 100%, ho montante total millaun $63,5 ba kompana lokal hamutuk 188. Kompana fornesedor hirak neee mos kumpre ona sira nia dever hodi selu impostu rendimentu 0,5% husi sira nia total pagamentu ba Autoridade Tributaria, Ministériu Finansas ho total kontribuisaun impostu hamutuk $317,5 mil. Inisiativa kompana lokal kumpre sira nia dever nee, fo mos kontribuisaun ba iha tasa ezekusaun Governu liu liu iha parte ezekusaun reseitas domestika neebe too iha 31 agostu 2021, atinji ona millaun $96,6 ka 52% husi total estimativa reseitas millaun $187,1.

Bazeia ba relatoriu husi Ministeriu Koordenador Asuntu Ekonomiku, too iha fulan agostu 2021, benefisíariu sira neebe simu ona cesta bazica hamutuk ema millaun 1,4 resin, ka 98% husi total benefisiariu hamutuk ema millaun 1,5.
Ba oin, distribuisaun Cesta Bazika ba reklamante 25,000 resin iha territoriu nasional sei realiza iha fulan Setembru nia laran bazeia ba kalendariu neebe mak trasa ona husi Ministeriu Koordenador Asuntu Ekonmiku.

Apoiu governu nian ba entidade empregador no traballador sira iha tinan 2021, Oitavu Governu aloka millaun $45 hodi apoiu ba entidade empregador no traballador sira neebe mak afeitadu husi pandemia Covid-19 liu husi Institutu Nasional Seguransa Sosial (INSS). Iha fulan Jullu 2021, Ministériu Finansas halo ona transferensia ba konta bánkaria INSS ho montante millaun $22,7 no INSS ezekuta ona millaun $4,9 ho nia detalla ezekusaun hanesan tuir-mai nee,

Apoiu ba entidades empregador hamutuk 1,493 ho total pagamentu millaun $2,6, Subsidiu Eletrisidade ba Empregador hamutuk 273 ho total pagamentu $378 mil, Subsídiu Renda ba kompana hamutuk 181 ho total pagamentu $176 mil, Despensa Kontributiva ba Estadu Emerjensia ba ema hamutuk 294 ho total pagamentu $274 mil. Dispensa Kontributiva Fakultativu ba ema hamutuk 1,377 ho total pagamentu $29 mil, Fakultativu ba ema hamutuk 1,377 ho total pagamentu $252 mil apoiu subsídiu ba traballador hamutuk 7,894 ho total pagamentu millaun $1,3.

Apoiu Governu Izensaun propinas ba estudante Ensinu superior hamutuk 64,619, iha fulan Jullu 2021, Ministeriu Finansas mós realiza ona pagamentu izensaun propinas ba estudantes Ensinu Superior hamutuk 18 ho montante millaun $5,6. Total numeru estudante Ensinu Superiór neebe mak hetan benefísiu hamutuk estudante 64,619.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: