Projetu Aeroportu Sei Hahu Tinan Nee

Prezidente Konsellu Administrsaun Aeroportu no Navegasaun Aérea Timor Leste (ANATL,E.P) Jose Agostinho Trindade. (Foto: STL/Madalena Horta)

DILI, STLNEWS.co – Prosesu konstrusaun ba Aeroportu Internasional Nicolau Lobato sei hahu tempu besik nia laran, ou bainhira tinan ida nee remata konstrusaun ba aeroportu bele hahu ona, tanba levantamentu de dadus kuaze hotu ona.

“Hau hanoin projetu konstrusaun aeroportu nee, laos Ministeriu ida, rua deit maibe ministeriu hotu-hotu sei partisipa iha laran, Ministeriu Obras Publika, Ministeriu Justisa, Minisrerius Transporte no Komunikasaun, Ministeriu Agrikultura, Ministeriu Finansa hanesan nain ba osan, no land and property, tan nee Ministeriu lubuk ida maka sei partisipa iha projetu nee, karik laiha impedementu maka obra nee sei hahu bainhira tinan ida nee atu remata,” dehan Prezidente Konsellu Administrsaun Aeroportu no Navegasaun Aérea Timor Leste (ANATL,E.P) Jose Agostinho Trindade ba jornalista, Segunda (22/02/2021) iha Hotel Golgota, Comoro.

Nia afirma orsamentu ba konstrusaun aeroportu nee sei mai husi governu Japaun, Banku Mundial, Australia no governu TL rasik, tanba nee total orsamentu ba projetu aeroportu nee hamutuk millaun US$ 483. *

Reportajen: Madalena Horta
Editora: Carme Ximenes

LEAVE A REPLY

Please enter your comment!
Please enter your name here