Proposta OJE 2021 Billaun US$ 1.895 Aprovadu Iha Final Global

Deputadu sira iha Parlamentu Nasional aprova ona proposta Orsamentu Jeral Estadu (OJE) 2021, iha final global ho montante billaun US$ 1.895, ho votus afavor 44, kontra 0, abstensaun 0. (Foto: STL/Domingas Soares)

DILI, STLNEWS.co – Deputadu sira iha Parlamentu Nasional aprova ona proposta Orsamentu Jeral Estadu (OJE) 2021, iha final global ho montante billaun US$ 1.895, ho votus afavor 44, kontra 0, abstensaun 0.

Liu husi sesaun plenaria, Sabadu (12/12/2020), deputadu sira halao debate ba proposta OJE 2021, aprova ona iha final global ho votus unaminidade.

Hafoin halao debate ba espesialidade durante loron 6, tanba debate ba proposta ba altarasaun remata nunee Prezidente Parlamentu Nasional (PPN) Aniceto Guterres sub-mete ba votasaun.

“Rezultadu votasaun afavor 44, kontra 0, abstensaun 0, ho nunee Parlamentu Nasional aprova ona proposta OJE 2021 iha Final Global”, anunsia PPN.

Entretantu votasaun afavor 44 mai husi bankada 6 hanesan Fretilin 23, PLP 8, PD 5, Khunto 5, Frenti Mudansa 1, UDT 1, no PUDD 1. Entretantu bankada CNRT laiha prezensa ho razaun neebe sira koalia ona katak proposta OJE nee inkonstitusional no ilegal tanba errata barak, no latuir Lei Orsamentu Jestaun no Finanseira.*

Reportajen: Guilhermina Franco/Domingas Soares/Alberto Menezes
Editor: Ekipa STL

LEAVE A REPLY

Please enter your comment!
Please enter your name here