Proposta OJE 2021 Passa Iha Jeneralidade; Bankada CNRT Retira

Proposta OJE 2021 passa iha jeneralidade, ho votus afavor 44, kontra 0, abstensaun 0, Bankada CNRT retira husi sala plenaria PN, bainhira hatoo deklarasaun ikus atu hodi tama ba iha votasaun jeneralidade. (Dok. STL)

DILI, STLNEWS.co – Proposta OJE 2021 passa iha jeneralidade, ho votus afavor 44, kontra 0, abstensaun 0, Bankada CNRT retira husi sala plenaria PN, bainhira hatoo deklarasaun ikus atu hodi tama ba iha votasaun jeneralidade.

Liu husi sesaun plenaria Kuarta (02/12/2020) iha PN, durante halao debate loron 3 husi Segunda lokraik mai too Kuarta lokraik, durante loron 3 nia laran halao debate ba tuir ajenda loron tolu ba jeneralidade. Nunee laiha ona intervensaun husi deputadu sira, Prezidente Parlamentu Nasional (PPN) Aniceto Guterres fo kedas tempu ba Primeiru Ministru Taur Matan Ruak hodi hatoo nia intervensaun ikus, depois intervensaun ikus PM, PPN fo tempu kedas ba bankada 8 atu ida-idak hatoo sira nia deklarasaun ikus ba debate proposta OJE 2021, depois deklarasaun bankada 6, nunee kontinua ba bankada CNRT hafoin deklarasaun ikus sira retira kedas husi sala plenaria mezmu sei hela bankada ida atu hodi tama ba votasaun.

Mezmu bankada CNRT retira maibe proposta OJE 2021 ho montante billaun US$1.895 aprovadu iha jeneralidade ho votus afavor 44, kontra 0, abstensaun 0.

Hafoin votasaun PPN Aniceto Guterres hatete, rezultadu votasaun afavor 44, kontra 0, abstensaun 0, ho nunee Proposta OJE 2021 aprovadu iha PN no sei kontinua ba debate espesialidade iha dia 4 Dezembru, tanba dia 3 Dezembru aban sei halao plenaria ba estende estadu emerjensia.*

Reportajen: Guilhermina Franco/Domingas Soares/Alberto Menezes
Editor: Ekipa STL

LEAVE A REPLY

Please enter your comment!
Please enter your name here