Reablita Estrada Rural Larigutu – Builale, UE Apoiu Orsamentu US$ 606,585.33

VIQUEQUE, STLNEWS.co – Uniaun Europeia (UE) apoiu orsamentu US$ 606,585.33 hodi halo reabilitasaun estrada rural iha Larigutu – Builale, Munisipiu Viqueque.

Husi orsamentu neebe mak iha, ohin Uniaun Europeia hamutuk ho International Labour Organozation (ILO), Era Agro-Floresty Project halo inagurasaun ba estrada rural kilometru 9 (9 km) iha Larigutu – Buile, Munisipiu Viqueque.

Estrada hirak neebe konstrui husi Era Agro-Floresty Project, finansiadu husi Uniaun Europeia (EU), aleinde fornese asesu ba komunidade agro-florestal.

Embaixador Uniaun Europeia ba Timor Leste, Andrew Jacobs, ba jornalista iha Larigutu, Sesta kalan (29/10/2021) hatete nia vizita Larigutu tinan rua liu ba, haree progresu iha konstrusaun estrada maibe ohin loron haree progresu iha estrada ba komunidade sira atu lori sira nia produtu ba merkadu ho transporte.

“Agora husi estrada bele fasilita estudante ba eskola, merkadu, sentru saude, iha oportunidade ba toos, nain bele faan produtu, no iha ona kios, no iha empregu, ami kontente loos katak durante halo konstrusaun kria servisu ba ema barak,” dehan Embaixador nee.

Orsamentu ba programa reabilitasaun estrada rural iha Larigutu – Builale, Munisipiu Viqueque nee ho total orsamentu US$ 606,585.33.

Andrew Jacobs hatutan iha intensaun kontinua halo servisu ba dezenvolvimentu ekonomiku iha area rural, no EU mos prepara programa foun durante tinan 7, maibe agora iha faze preparasaun seidauk deside projetu definitivu.

Nunee mos Andre Silva Faria hanesan Koordenador Projetu Kontraktor hatutan, projetu nee empreza haat mak halao estrada neebe mak inagura ona iha Viqueque ho kilometru 9 (9 km).

“Orsamentu 606 mill neebe mak iha ba estrada 9 km hahu iha 2019, loloos hotu inisiu 2020 nia maibe ho pandemia no udan neebe akontese, nunee prolonga oituan maibe meado 2020 hirak nee remata, nunee halo Inagurasaun,” dehan nia.

Nunee mos iha fatin hanesan, Ministru Obras Publikas (MOP) Salvador Eugenio Soares Dos Reis Pires, hatutan ohin hamutuk ho Embaixador Uniaun Europeia mai halo inagura estrada rural 9 km ho orsamentu oitusentus i doze mill neebe benefisiu direita kuaze mill dozentus i tal.

Ministru hatutan, programa nee parseria ba dezenvolvimentu Agro-florest Project ho UE, GIZ no ILO mak halo reabilitasaun & manutensaun estrada ho objetivu ajuda Governu TL ba bem estar ba povu, reduz probreza, promove sustentabilidade ekonomia, no prezerva ambiente.

Xefe Suku Builale, Antonio Gomes Monis, hatutan uluk komunidade sira labele lori produtu lokal ba estrada tanba estrada laiha no kareta labele tama, maibe agradese ohin loron estrada diak ona.

“Uluk komunidafe hakarak lori sai sira nia produtu lokal pasiensia tutur deit ba Venilale no Ossu, maibe hahu husi 2019 too ohin hau sente orgullu tanba ohin mai inagura no kualker kareta bele halo nia movimentu,” dehan Xefe Suku nee.

Nia lori komunidade Builale nia naran hatoo agradese ba Governu, ILO, Era Agro-Floresty Project, Uniaun Europeia tanba ohin loron bele asesu ba merkadu no asesu ona husi transporte publiku.

(eme)

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...