Rekupera Ekonomia Governu Tenke Pagamentu Kompania

Mariano Asanami Sabino. (Foto: Facebook)

DILI, STLNEWS.co – Bainhira atu rekupera ekonomia iha rai laran, governu tenke halo pagamentu ba kompania sira neebe finaliza ona obra.

Deputadu Bankada PD, Mariano Asanami Sabino hatete, karik la halo pagamentu, maka sei fo impaktu ba kompania sira atu selu nia traballador sira, traballador la simu vensimentu sei fo impaktu ba familia uma laran, susar atu rekupera ekonomia.

“Hau hanoin atu halo rekuperassun ekonomia maka, governu tenke selu ona kompania sira, tanba traballador sira neebe servisu presiza osan ba sira nia familia, karik kompania la selu traballador maka efeitu ba uma laran atu selu oan sira nia eskola, fo han fen ho oan, tan nee governu plus tiha kompania halo servisu maibe la hanoin atu pagamentu,” dehan Asanami, liu husi sesaun plenari Tersa, iha PN, Dili, (12/01/2021).

Deputadu nee mos husu ba governu atu aslera lalais pagamentu kompania sira neebe finaliza ona obra sira nee, karik governu halo ona pagamentu maka, fiar katak traballador sira neebe servisu iha projetu refere bele hetan ona pagamentu husi kompania neebe governu fo konfiansa atu kaer obra nee.

Hatan ba preokupasaun nee, Ministru Francisco Jeronimo hatete, preokupasaun Deputadu sira nia konaba kompania finaliza obra maibe governu seidauk halo pagamentu hotu, asuntu ida nee sei informasaun ba iha Miniteriu Obras Publiku, oinsa bele toma atensaun.

“Ita koalia konaba rekuperasaun ekonomia maka, buat hotu tenke lao diak, maibe desizaun ka resposta husi Ministeriu kompetente dehan oinsa, maka ami sei informa fali mai iha Parlamentu Nasional,” dehan Ministru nee. *

Reportajen: Madalena Horta/Jacinta Sequeira
Editora: Carme Ximenes

LEAVE A REPLY

Please enter your comment!
Please enter your name here