Rendimentu Menus Kompara Ho Tempu Normal

DILI, STLNEWS.co – Dezde surtu Covid-19 tama iha Timor, rendimentu menus tebes kompara ho tempu normal, tanba komprador menus.

Tuir negosiante tais, Julia Soares, hatete Covid-19 halo susar tebes atu hetan osan, tanba durante ne’e governu implementa estadu emerjensia, serka sanitaria, no konfinamentu obrigatoriu halo atividade ekonomia hotu paradu.

“Hau triste tebes, bainhira rendimentu menus, tanba liu husi negosiu iik sira bele hetan osan hodi sustenta familia,” dehan nia ba STL iha Colmera, Kuarta (20/10/2021).

Nia sublina, tempu normal ema estrajeiru no Timor oan balun sira barak sosa, maibe dezde Covid-19 ne’e tama iha TL, ema estranjeiru sira mos komesa menus sosa tais.

Negosiante ne’e hatutan, antes tama Covid-19, loron ida bele hetan $100 ba leten, maibe agora lae, dala ruma husi dader to’o lokraik ema fihir ladun barak, entaun hetan deit $50, loron ida ou dala ruma bele lahetan rendimentu to’o fila uma, sente triste maibe ida ne’e realidade situasaun Timor agora hasoru dadaun.

Maske ho situasaun ne’ebe defisil, maibe lalakon esperansa vontade nafatin fa’an, tanba ida ne’e mak ita nia servisu loron-loron, se lakoi servisu se mak fo han ita, tenke servisu mak hafoin hetan osan.

Entretantu iha parte seluk negosiante OB, Antonio Magno, hatete moris laos depende ba ema seluk atu fo, maibe oinsa ho ita nia esforsu tomak liu husi atividade oin-oin halo negosiu no seluk tan, atu nune’e ba nesesidades loron-loron Nian.

Durante Covid-19, fa’an OB ema ladun sosa kompara ho tinan uluk ema sosa barak, liu-liu loron Sabadu no Domingu bele hetan $80 ba leten, maibe ohin loron araska hetan rendimentu, ne’e so sorti diak deit.

“Hau kontente nafatin, maske ohin loron la sosa, maibe aban ema ida rua sei sosa,” tenik nia.

(joa)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...