Rendimentu Negosiante Manu Broiler Menus

DILI, STLNEWS.co – Rendimentu husi negosiante neebe fan manu broiler kada loron kontinua menus, tanba impaktu husi serka sanitaria la fo espasu ba sosa nain sira atu sosa.

Ba STL, Vise Prezidente Camara Comersiu Industria Timor Leste (CCI-TL) i hanesan kompania distributor manu broiler, Rui Castro hateten, rendimentu husi manu broiler kada loron kontinua tun, tanba kapital Dili establese hela serka sanitaria, tanba nee defisil tebes ba langganan sira atu mai sosa, liu liu sira husi munisipiu, tanba manu broiler laos faan iha Dili deit maibe munisipiu mos iha.

“Hahu kedas iha tinan 2020 mai too 2021 nee ami nia rendimentu tun tanba impaktu husi Covid, estadu emerjensia no konfinamentu obrigatoriu, tanba nee impaktu ba rendimentu,” dehan Rui Castro ba STL, Sabadu (01/05/2021), iha JP Comoro.

Nia afirma liu tan, politika bele lao, maibe tenke loke dalan ba roda ekonomia iha rai laran mos tenke lao.

“Uluk seidauk estadu emerjensia ami nia rendimentu diak tebes, tanba nee ami hakiak too atus rua (200) ohin loron bele hotu, hakiak too atus lima (500) mak ohin loron bele hotu, maibe desde serka fo impaktu makas ba ami nia rendimentu,” dehan Rui Castro.

Iha parte seluk Clementino da Costa hanesan membru neebe faan manu broiler hatutan, povu kiik nia moris defisil tebes, uluk manu broiler ho ayam buras mean nee folin tebes, maibe desde Covid mosu iha Suai mai too Dili, halo rendimentu mate tebes.

“Triste tanba ami la hetan rendimentu, manu barak los iha armajen maibe ema atu sosa laiha, maske nia folin baratu hela maibe sosa nain laiha, susar tebes ba povu kiik nia moris tanba ami povu nia moris depende ba rendimentu,” dehan faan nain nee.

Nia hatutan, manu broiler nia folin baratu hela, ida ho presu $6 deit maibe ema la sosa, uluk ema sosa laris, tanba movimentu transporte ba mai. *

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

MESSK Asina MoU Ho Ensinu Superior Publiku & Privadu

DILI, STLNEWS.co - Ministru Ensinu Superior Siensia no Kultura (MESSK), Longuinhos dos Santos, asina Memorandum of Understanding (MoU) ho ensinu superior publiku no privadu...

Komunidade La Kumpre Serka Sanitaria

DILI, STLNEWS.co - Komunidade la kumpre regulamentu prevensaun Covid-19 iha tempu serka sanitaria (SS), tanba governu la kria kondisaun neebe diak ba sira. Program Officer...
%d bloggers like this: