Rendimentu Povu Kiik Menus, Implika Selu Kreditu

DILI, STLNEWS.co – Atu prevene povu husi pandemia surtu Covid-19, governu estabelese serka sanitaria no konfinamentu obrigatoriu iha rai laran, fo impaktu boot ba rendimentu povu kiik, liu liu negosiante roda tolu hodi selu ba banku.

Tuir negosiante Rosa Alvel katak, durante estabelese serka sanitaria iha rai laran, hodi bandu movimentu ema lao ain nomos transporte publiku labele halai, ida nee fo impaktu boot ba atividade povu kiik nian, tanba la hetan rendimentu, susar atu selu banku nia osan neebe kreditu hodi halo negosiu.

“Durante serka sanitaria movimentu lahalai, ema neebe atu sosa sasan laiha, ida nee fo impaktu ba rendimentu, ami kredit osan banku nian maka hodi halo negosiu, tan nee kada fulan tenke hatama funan ba banku, maibe sasan neebe ami faan ema la sosa, susar ami atu selu banku nia osan,” dehan negosiante roda tolu nee ba STL iha Tasi-Tolu, Kinta (20/05/2021).

Nia afirma liu tan, bele estabelese serka sanitaria no konfinamentu obrigatoriu, maibe roda ekononia iha rai laran tenke lao, liu liu normaliza movimentu transporte, maibe tenke lao tuir protukolu saude nian atu nunee bele prevene aan husi Covid.

Tuir negosiante nee katak moris povu kiik nian depende ba rendimentu, karik laiha rendimentu maka susar tebes atu sustenta familia no selu mos osan banku nian, tanba seidauk serka sanitaria, setoran ba iha banku lancar tebes, maibe ikus-ikus nee hahu macet, tanba laiha rendimentu.

Uluk movimentu seidauk paradu, rendimentu diak, tanba transporte publiku halai, tanba nee ema sosa sasan mos diak, loron ida ema sosa too $50 mai karaik, maibe agora nee laiha liu, loron ida ema sosa deit agua boot ida ka rua, tanba nee susar atu selu osan imprestimu.

Iha fatin hanesan Maria Monis (negosiante) hatutan, maioria negosiante sira neebe halo atividade negosiu iha roda tolu nee, uza osan kreditu husi Caibauk, Moris Rasik, nomos BNCTL. Maibe ho situasaun pandemia Covid-19, rendimentu laiha, tanba nee susar atu selu fali osan neebe negosiante sira kredit, rendimentu bazeia ba atividade, maibe desde serka sanitaria sasan la folin.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: