Reseita Aeroportu Tun

DILI, STLNEWS.co – Pandemia Surtu Covid-19 afeta makas ba atividade portuariu ka aeroportu, tanba movimentu pasajeirus no aviaun laiha, ho nunee afeta ba reseita neebe aeroportu rekolla tun.

Liu husi intervista, Prezidente Konsellu Administrsaun Aeroportu no Navegasaun Aérea Timor Leste (ANATL,E.P) Jose Agostinho Trindade, hatete, ANATL hanesan empreza publiku i empreza estatal neebe responsabilidade ba aeroportu iha Timor laran tomak, no durante Covid-19, ANATL hasoru problema barak, liu liu movimentasaun ema, no aviaun la lao diak, tanba nee fo impaktu ba reseitas, tanba reseitas prinsipal husi ANATL nian maka, haree ba movimentu ema ho serkulasaun aviaun.

“Iha tinan 2020 ami nia projesaun atu hetan tokon US$3 resin, maibe tanba pandemia Covid-19 reseitas tun makas, 2020 ami hetan deit tokon US$1, nee tun makas tebes, lolos nee ami tenke finansia kustu konkorentes sira nee, maibe la realiza tanba ami nia reseitas tun makas tebes, no Covid-19 ida nee lori duni impaktu boot ba ami nia rendimentu,” dehan Prezidente Konsellu Administrsaun Aeroportu no Navegasaun Aérea Timor Leste (ANATL,E.P) Jose Agostinho Trindade ba jornalista, iha hotel Golgota, Segunda ( 22/02/2021).

Nia afirma, uluk seidauk Covid-19, reseitas husi aeroportu nian boot tebes, tanba movimentasaun ema diak no aviao sira mos halao sira operasaun normal, maibe durante Covid-19 mosu, halo atividade hotu sai paradu, karik Covid-19 nee maka sei lao too tinan ida rua maka ninia impaktu boot ba reseitas.*

Reportajen: Madalena Horta
Editora: Carme Ximenes

LEAVE A REPLY

Please enter your comment!
Please enter your name here