RFTL Asina Akordu Ho ADRA Ba Projetu Hakbiit Feto

DILI, STLNEWS.co – Rede Feto Timor-Leste (RFTL) asina akordu ho Adventist Development And Relief Agency Timor-Leste (ADRA) Timor Leste ba projetu hakbit feto neebe finansia husi Uniaun Europeia.

Prezidente Konsellu Diretoria Rede Feto Timor-Leste, Zelia Fernandes, agradese ba konsorsiu neebe ADRA Timor-Leste halo ho Rede Feto ba projetu hakbiit ekonomia feto ba tinan 3.

Liu husi komunikadu neebe STL asesu husi Media RF, Kuarta (09/06/2021) hatete, Rede Feto nudar parseiru Timor oan neebe hatene didiak konaba difikuldades no situasaun feto Timor nian, tanba Rede Feto Timor-Leste (RFTL) kada tinan 4 halo kongresu nasional Feto Timor-Leste hodi simu preokupasaun feto sira nian iha nivel rural liu husii konferensia municipal no lori too mai kongresu nasional hodi diskute no elabora hamutuk iha plataforma de asaun feto Timor Leste. Bazeia ba plataforma de asaun feto Timor-Leste nian, ohin Rede Feto ajusta dadaun kestaun balun iha projetu hakbit ekonomia feto hamutuk ADRA nudar resposta preokupasaun feto sira nian.

RFTL agradese ba disponibilidade ADRA nian hodi fo asistensia, akompañamentu no sai parseru ba RFTL iha programa nee.

RFTL nudar organizasaun sumbrinha neebe hamahan organizasaun membrus hamutuk 46 ho mandatu husi kongresu nasional nian, mak organiza no fasilita kongresu nasional feto Timor Lese hodi elabora plataforma de asaun neebe bele sai hanesan referensia advokasia, hodi hatutan ba institusaun foti desizaun sira hodi aposta iha planu no programa kada tinan.

Prezidente RF nee hatutan partisipasaun politika hatudu Timor-Leste atinje ona liu pursentu 30, maibe iha parte seluk presiza haboot liu tan numeru iha area seluk neebe sai nudar fator importante ida, liu-liu area ekonomia. Tanba bazeia ba situasaun global Covid-19 agora kuaze hafraku ekonomia iha nasaun barak inklui Timor-Leste, hodi hamosu sofrementu oioin ba feto ho labarik, tanba feto mak jere situasaun familia loron-loron no sente duni katak ekonomia familia nee forte ka fraku. Tan nee ho programa neebe Rede Feto ho ADRA asina bele tulun feto sira sai komprende diak liu tan hodi reforsa papel feto nian nudar jerente diak iha familia laran.

Konsellu ho strutura tomak hamutuk ho membrus sira sei fo apoiu ba Sekretariadu, liu-liu ekipa tekniku sira atu asegura implementasaun ba projetu nee. Agradese mos ba Uniaun Europeia neebe fo ona konfiansa ba ADRA ho Rede Feto Timor-Leste atu implementa projetu nee ba tinan tolu mai.

Country Director ADRA Timor-Leste, Virginia Pycroft hatete agradese ba esforsu tomak hodi hetan oportunidade servisu hamutuk ho Rede Feto. No kontinua dezafia atu bele hametin liu tan servisu hamutuk ba futuru.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...

Ezekusaun Orsamentu Ajensia TIC Atinji 25%

DILI, STLNEWS.co - Diretor Ezekutivu Ajensia Teknolojia Informasaun no Komunikasaun (IP-TIC), Roberto Caetano aprezenta relatoriu ezekusaun orsamentu ajensia nian ba Primeiru Ministru Taur Matan...
%d bloggers like this: