Rui Gomes Prontu Asume Kargu MF

Prezidente Republika, Francisco Guterres Lú Olo, liu husi Dekretu Prezidente Republika numeru 68/2020 nomea Rui Augusto Gomes, hodi asume pasta Ministru Finansa iha governu da-8. (Dok. STL)

DILI, STLNEWS.co – Eis Ministru Finansa iha governu da-7, Rui Gomes prontu asume kargu hanesan Ministru Finansa (MF), iha Governu da-8 hodi subtitui Fernando Hanjam, neebe seidauk rekupera husi moras.

Nia dehan,enkontru ho Primeiru Ministru (PM), Taur Matan Ruak hodi troka hanoin, kona ba serimonia pose neebe sei halao iha Segunda feira semana oin.

Tanba tuir Rui katak, Ministru Finansas Fernando Hanjam labele kontinua halao knaar ho rajaun kondisaun Saude la permite. Tanba nee mak iha konfiansa husi Primeiru Ministru, Taur Matan Ruak, Prezidente Republika, Fransisco Guterres Lú Olo ho Sekretariu Jeral Partidu FRETILIN Mari Alkatiri eskolla nia hodi asumi kargu.

“Ba nasaun ida ne no povu nomos ekonomia nasaun nia hau pronto, atu asume kargu hanesan Ministru Finansas,” dehan Rui hafoin remata enkontru ho PM. TMR, iha Palasiu Governu, Dili, Kuarta (18/11/2020).

Rui hatutan, konserteja prioridade maka planu oitavu governu nian, planu nee atu hadia jestaun finanseiru publiku, haree husi diversifikasaun finanseira, husi parte despezas, reseitas aprovizionamentu nian no sistema finaseiru. Kona ba orsamentu nia parte seidauk bele koalia, tanba sei diskute no rona husi Vise Ministra Finansas no diretores sira maka foin koalia.

“Hau sei seidauk haree orsamentu ida nee, laos hau maka prepara, agora tempu para hau tama lai presija mos diskute no rona husi vise ministra no diretores sira, depois maka ita sei koalia, maibe emprinsipiu segunda agora tomada de posee,” dehan nia.

Reportajen: Alberto Menezes
Editora: Carme Ximenes

LEAVE A REPLY

Please enter your comment!
Please enter your name here