SEA Hapara Importasaun Plastik

Sekretariu Estadu Ambiente (SEA), Demetrio de Amaral. (Foto: STL/Madalena Horta)

DILI, STLNEWS.co – Governu liu husi Sekretariu Estadu Ambiente (SEA) hapara importasaun plastik husi rai liur, tanba tuir peskiza neebe iha hatudu Timor Leste, kada loron uza plastik 20 toneladas, nunee fo impaktu ba ambiente.

Liu husi entrevista, Sekretariu Estadus Ambiente, Demetrio de Amaral hatete, politika governu nian maka tenke zero plastik iha rai laran, tan nee SEA halo ona enkontru ho kompania importador sira no loja nain sira hodi rona mos sira nia defikuldade no iha sorumutu ho kompania sira nee, konkorda katak too ona tempu atu hapara importasaun plastik no nasi bungkus nia fatin.

“Ita hasai ona diretiva ida hodi bandu labele importa tan plastik no nasi bungkus nia fatin, tan nee ita halo ona lockdown, no produtu rua nee sei la tama maibe stok neebe sei iha rai laran ita tolera atu faan, importasaun maka labele tama mai ona,” dehan Sekretariu Estadus Ambiente ba STL, iha nia knaar fatin Bebora Dili, Sesta (29/01/2027).

Nia afirma, governu hakarak hapara importasaun plastik, tanba fo impaktu ba ambiente no ema nia saude, mikro plastik oho ema barak tebes iha mundu no tuir peskiza katak, iha kapital Dili deit loron ida 20 ton per hari, 50% deit ba iha tasi, ida nee fo impaktu mos ba ambiente tasi nian.*

Reportajen: Madalena Horta/Jacinta Sequira
Editora: Carme Ximenes

LEAVE A REPLY

Please enter your comment!
Please enter your name here