Seitor Privadu Barak Seidauk Asesu Ba Kreditu

CEO BNCTL, Brigido Sousa. (Dok. STL)

DILI, STLNEWS.co – Banku Nasional Comersiu Timor Leste (BNCTL, rekonese setor privadu barak seidauk hakbesik aan ba halo aprosimasaun ho banku, hodi asesu ba fasilidade neebe banku iha.

“Hau hanoin liga ho osan 5 Milloens neebe maka, governu tau iha Banku nee, too agora seitor privadu balun seidauk ba halo aprosimasaun ho banku, hodi asesu ba fasilidade neebe banku iha, ka asesu ba kreditu maski ami halo ona sosializasaun iha baze, maibe too agora emprezariu barak maka seidauk asesu ba kreditu,” dehan Diretor Ezekutivu/CEO Brigido Sousa.

Nia afirma katak, skema garantia ba kreditu nee setor privadu barak maka seidauk asesu ba kreditu, no sira la asesu ba kreditu laos banku maka la fo kreditu ba sira, maibe setor privadu sira maka seidauk hakbesik aan ba iha banku hodi halo aprosimasaun.

“Ami halo ona aprosimasaun iha baze, maibe setor privadu balun lakohi asesu ba kreditu, no jurus husi skema garantia nee kiik, 7% deit, maibe dala ruma setor privadu sira tauk, tanba sansaun ba skema garantia nee todan, karik la selu kreditu maka durante tinan lima nia laran sei la asesu ba kreditu, ho ida nee dala ruma halo setor privadu sira tauk asesu ba kreditu, no la signifika katak BNCTL maka lakohi fo kreditu, tan nee atu dehan BNCTL fasilita maibe setor privadu sira dala ruma tauk,” dehan CEO BNCTL.

Iha parte seluk Prezidende Camara Comersiu Industrial Timor Leste(CCI-TL) Oscar Lima hateten, setor privadu sira prontu atu asesu ba kreditu maibe dada iss ho tebes ho jurus neebe banku fo.

“Ami prontu atu asesu ba fasilidade neebe banku offerese, maibe ami nia maluk sira nee barak maka sei tauk ho jurus neebe banku fo, katak jurus nee tuna ba 4% ka 5%, maka setor privadu sira prontu atu asesu hotu ba kreditu, ” dehan nia.*

Reportajen: Madalena Horta
Editora: Carme Ximenes

LEAVE A REPLY

Please enter your comment!
Please enter your name here