SEKoop Asina MoU Ho World Vision Dezenvolve Kooperativa

DILI, STLNEWS.co – Sekretariu Estadu Kooperativa (SEKoop) asina Memorandum of Understanding (MoU) ho World Vision, atu dudu setor kooperativa iha rai laran sai diak iha futuru.

Ba jornalista, Sekretariu Estadu Kooperativa Elizario Ferreira hateten, MoU ida nee importante tebes no durasaun tempu ba tinan lima nia laran, MoU nee foka liu atu hadia setor kooperativa iha rai laran sai diak, no foka liu ba hadia kreditu iha rai laran.

“Hau hanoin area sira neebe maka atu hadia nee, uluk liu maka kooperariva de kreditu, tanba World Vision dezenvolve hela grupu balun neebe bele nakfilak ba kooperativa, liu husi area oin oin.

Servisu ida nee atu apoiu membru kooperativa sira iha area oin oin,” dehan Sekretariu Estadu nee.

Nia afirma liu tan, tuir konstituisaun kooperativa sai hanesan setor ekonomiku, tan nee kooperativa kreditu iha nia federasaun ida iha Munisipiu hotu, no liu husi Kooperativa Hanai malu bele fasilita diak liu tan membru kooperativa sira iha baze.

Iha fatin hanesan Diretora Ezekutivu World Vision TL, Migena Shulla hateten, MoU ida nee importante tebes tanba World Vision kapasita ona membru sira iha area oin oin, neebe koloka iha munispiu hat hanesan Baucau, Bobonaro, Covalima no Aileu neebe foka ba setor kooperativa nian.

“Hau hanoin MoU neebe ohin ita halo ho SEKoop nee hanesan formal tan nee ita prontu atu koopera iha setor kooperativa neebe hola parte ba setor ekonomia nian, tanba save importante ida maka atu ptomove setor agrikula iha rai laran, laos atu konsumu deit maibe bele faan mos ba merkadu,” dehan Diretora nee.*

Reportajen: Madalena Horta/Guilhermina Franco
Editora: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: