SEKoop – Cuba Formula Kooperasaun Rai Rua

DILI, STLNEWS.co – Sekretariu Estadu Kooperativa (SEKoop) halo enkontru ho Embaixador Cuba iha TL, ho objetivu atu formula kooperasaun entre SEKoop ho Ministeriu Agrikultura Cuba nian.

Kestaun nee fo sai husi Sekretariu Estadu Kooperativa, Elizario Fereira ba jornalista, Sesta (18/06/2021) hafoin remata enkontru iha edifisiu SEKoop Akait, Dili.

“Hau hanoin tema importante ba deskusaun ohin nee maka, TL presiza Cuba nia apoiu tekniku, liu liu espesialista oinsa atu suporta organizador no mobilizador sira iha nivel postu administrativu hodi reforsa dezenvolvimentu setor kooperativa iha nivel suku sira, atu produs produtu neebe kualidade, kuantidade no sustentablidade hodi labele depende makas ba fundu Mina Rai,” dehan Elizario Fereirra.

Nia afirma liu tan, aleinde nee asuntu seluk neebe TL presiza, ida maka agora pekuaria, agrikultura no tirismu, tanba iha Cuba dezenvolvimentu ba area sira nee diak tebes, tan nee espesialista sira husi Cuba sei mai hanorin kooperativismu sira atu sai produtor neebe diak hodi kontribui ba dezenvolvimentu ekonomia rai laran.

Iha fatin hanesan Embaixador Cuba iha TL, Omar Lauro Mareirro Betancourt hatutan, sorumotu ida nee importante tebes bele mellora diak liu tan kooperasaun entre governu TL ho Cuba iha setor oin oin.

“Haree ba potensialidade iha TL nee barak tebes, tanba nee presiza apoiu asistensia hodi dezenvolve diak liu tan setor agrikultura, pekuaria, turismu no kooperativa, tanba nee governu Cuba prontu apoiu TL hodi dudu dezenvolvimentu ekonomia iha TL sai diak iha futuru,” dehan Embaixadór Cuba nee.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: