SEKoop Enkoraja KKIKF Halao Kooperativa Ho Espiritu Kooperativismu

DILI, STLNEWS.co – Sekretaria Estadu Kooperativa (SEKoop) enkoraja Kooperativa Knua Industria Kreativu ho Formasaun (KKIKF), atu halo kooperativa ho espiritu kooperativismu.

Lia hirak nee hatoo husi SEKoop, Elizario Fereirra ba STL hafoin partisipa iha Primeira Asembleia Jeral KKIKF, iha salaun SEKoop Dili, Domingu (01/08/2021).

Nia dehan, ida nee kooperativa ida neebe kompostu husi joven sira, sira hanaran Kooperativa Joven Kreativu entaun parte Sekretariu Estadu Kooperativa ninia misaun mak atu harii Kooperativa hadia kooperativa i promove koperativa, atu promove nee sira harii ona kooperativa signifika Sekretariu Estadu reforsa sira ho edukasaun, formasaun, mai fahe informasaun ba sira atu sira bele halo asembleia jeral ida ho diak i nune hodi asegura sira nia sustentablidade aban bain rua nian.

“Amii nia mensajem mak nee, kooperativa nee fasil atu temi nia naran maibe atu sai kooperativismu nee tenke sakrifisiu, tanba nee ami husu para bele halao kooperativu ho espiritu kooperativismu nian,” katak nia.

Governante nee akresenta, em prinsipiu SEKoop kaer nafatin nia misaun neebe mak iha katak hamrik iha oin hatudu dalan ba sira i hamrik iha kotuk dudu sira ba oin, no hit nafatin sira hodi lao ba oin.

Iha fatin hanesan, Prezidente Multi Sectoral KKIKF, Octaviano Maria Oscar hatete objetivu asembleia jeral nee atu estabelese kooperativa multi-sektoral, knua industria kreativu no formasaun, iha nee indika iha knua industria no formasaun, knua industria nee halai ba industria kreativu hanesan atu transforma ho lutu husi agrikultur sira ba produtu neebe ho kualidade diak liu no bele konsumu husi sosiedade Timor nomos global.

“Ami transforma ona produtu lokal sira bele fo moris mos agrikultur sira, no esperansa ba oin ami bele esporta ita nia produtu lokal nee ba nasaun sira neebe presiza ita nia produtu,” katak nia.

Nia informa, kona ba formasaun nian ba oin sira sei halo formasaun tekniku ba joven sira neebe iha espiritu atu harii kooperativa i harii industria pequena atu joven sira nee mos bele envolve aan iha dezenvolvimentu nasional liu husi industria kreativu neebe ke atu halao, formasaun sira nee KKIKF prepara no mos estabelese ba grupu sira neebe presiza tebes formasaun aspetu teknikus nian.

Nia akresenta, estabelesementu ba loron ohin nian nee hanesan pasu ida ba kooperativa ida nee, ba oin atu hetan legalidade ba kooperativa ida nee para ba oin ema husu kooperativa nee legal ka lae, bele hatan ona katak legal, tanba iha evidensia ba publiku katak SEKoop aprova ona no foo ona legalidade kooperativa KKIKF.

Konaba partisipantes neebe mak partisipa iha asembleia jeral nee hamutuk 21 pesoas, kompostu husi membrus no iha partisipantes iha nain 4.*

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: