SEKoop Partisipa Serimonia Asembleia Jeral Kooperativa Roman Furak Fatumaca

BAUCAU, STLNEWS.co – Sekretariu Estadu Kooperativa (SEKoop), Elizario Ferreira, partisipa iha seremonia asembleia jeral ba dala haat, Kooperativa Multi Setoral Roman Furak Fatumaca.

SEKoop hateten, objetivu husi deskolasaun too Aldeia Uai-behe Ana Fatumaca, Suku Gariuai atu partisipa iha asembleia jeral kooperativa roman furak.

Nia hateten, iha organizasaun kooperativa nee orgaun aas liu iha vida kooperativa nee mak asembleia jeral, tanba asembleia jeral orgaun aas liu atu aprova konaba estrutura organizasaun nian no mos aprova konaba orsamentu no rendimentu planu relatoriu annual kooperativa nian.

“Dirijente sira responsabiliza ba membru sira konaba atividade neebe sira halao durante tinan ida relatoriu nian i aprezenta ba membru sira atu aprova fila fali planu asaun tinan tuir mai ida nee mak objetivu husi asembleia jeral,” hatete Sekretariu Estadu Kooperativa (SEKoop), Elizario Ferreira ba jornalista wainhira partisipa asembleia jeral Kooperativa Multi Setoral Roman Furak Fatumaca ba dala haat iha Aldeia Uai-behe Ana Fatumaca, Suku Gariuai, Postu Administrativu Baucau Vila, Munisipiu Baucau, Sesta nee (16/07/2021).

Nia hatutan, tuir titulo neebe mak kooperativa nee foti esperansa ba futuru, tanba iha vida kooperativa esperansa kooperativa mak fiar malu malu, tanba bainhira membru sira fiar malu, onestu ba malu, halao aktividade tuir prinsipiu kooperativa nian, koperativa sei lao ba oin.

Elizario hateten, ba orsamentu neebe mak kooperativa nee iha bazeia ba sira nia dadus estatistiku ka relatorio annual, maske nee susar avansu neebe mak la duun makas, maibe hatudu katak unidade neebe mak kooperativa nee iha nafatin metin, no mos trasparente atu asegura maske lao neneik, tanba kuinesementu mais sei iha esperansa katak bele avansa bainhira iha esforsu neebe diak.

Iha fatin hanesan, Prezidente Kooperativa Multi Setoral Roman Furak Fatumaca, Domingos Correia do Rego hateten, kooperativa nee hahu moris iha tinan loron 12 fulan Dezembro tinan 2012, maibe formalmente halao aktividade mak tama iha tinan 2013.

Nia hatutan, inisiu hari grupo nee hamutuk ema sanulu resin neen (16) ho kapital inisial osan montante hamutuk US$ 1.600, too dadaun nee membru hamutuk nain hitu nulu resin haat (74) no kapital dadaun iha grupo nee US$ 26.000.

Domingos hateten, orsamentu neebe mak dadaun grupo nee iha avansu neebe mak ladun makas, maibe kontinua lao neneik maibe beibeik.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: