SEPS Hahu Distribui Apoiu Ba Komunidade Afetadu Inundasaun

DILI, STLNEWS.co – Governu liu husi Sekretariu Estadu Protesaun Sivil (SEPS) ohin Sabadu nee hahu ona distribui apoiu umanitaria ba populasaun afetadu husi inundasaun hamutuk 1.670 iha suku Comoro, liu liu iha area Tasi-Tolu.

Hafoin remata entrega apoiu umanitaria ba vitima inundasaun, Sekretariu Estadu Protesaun Sivil (SEPS), Joaquim Gusmao katak, SEPS ohin hahu ona distribui apoiu nesesidade bazika ba populasaun sira neebe afeitadu husi inundasaun nee akontese iha loron 4 Abril liu ba.

“Ohin governu liu husi SEPS ofisialmente fo apoiu ba komunidade sira neebe mak afetadu husi inundasaun iha Tasi-Tolu neebe lakon sira nia hela fatin, tanba kauza husi inundasaun neebe akontese iha loron 4 Abril liu ba tuir padraun politika dezastre naturais neebe mak iha,” dehan Joaquin Gusmao iha Lagoa Tasi-Tolu, Sabadu (17/04/2021).

Nia afirma, governu deside atu oferese uluk apoiu sira nee ba komunidade afetadu Tasi-Tolu tanba ho akontesimentu inundasaun nee komunidade Tasitolu nia uma barak hetan estragus.

“Iha Tasi-Tolu ita haree katak komunidade sira nia uma iha area nee barak mak labele hela ona, tanba nee atu hein desizaun governu nia hodi responde ba estragus hirak nee, pelumenus governu bele fo uluk ona nesesidade neebe populasaun sira presiza,” nia dehan.

Nia hatutan, ho apoiu neebe governu oferese komunidade sira bele uza hodi ba sira nia moris loron loron nian.

Aleinde nee, tipu apoiu neebe governu apoiu ba komunidade afetadu sira mak hanesan fos, mina, no nesesidase sira seluk uma laran nian.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...
%d bloggers like this: