SEPS Kontinua Apoiu Vitima DN iha Kampung Alor

DILI, STLNEWS.co – Sekretariu Estadu Protesaun Sivil (SEPS) kontinua distribui apoiu umanitaria ba komunidade vitima dezastre naturais iha suku Kampung Alor.

“Ohin ita konsentra iha suku Kampung Alor nian, tanba iha aldeia tolu 01,02,03 tuir dadus neebe mak ita rekolla husi autoridade lokal sira, numeru neebe mak boot hamutuk 1.362 iha Kampung Alor,” dehan nia iha Suku Kampung Alor, Dili, Tersa (11/05/2021).

Tuir governante nee, distribuisaun ba loron primeiru fahe ba aldeia 01, no 02 hamutuk 494 no aban kontinua fahe ba aldeia 03 nian hamutuk 847.

Apoiu umanitaria nee hanesan aihahan no laos aihan, aihan mak hanesan fos, mina, supermie, ikan kalen lata, no laos aihan mak kafe masin midar, no tasu, sanan, bikan, kanuru, sabaun, no biti.

“Apoiu nee laos atu resolve hotu sira nian sofrimentu durante nee, maibe pelumenus bele halo kaman netik sira nian sofrimentu durante dezastre,” tenik nia.

Enkuantu Xefe Suku Kampung Alor, Alcina Carvalho dos Santos hatete, apoiu umanitaria ida nee realiza, tanba bazeia dezastre naturais neebe akontese iha teritoriu laran tomak iha fulan hirak ba kotuk, ikus mai ekipa hosi SEPS foti dadus konaba vitima sira hodi bele hetan apoiu umanitaria.

“Hau agradese ba governu, mesmo tarde iha espiritu neebe diak hakarak apoiu nia ema, atu nunee ema labele mate tan hamlaha, “dehan Alcina.

Tanba, dezastre nee kuaze akontese iha teritoriu laran tomak hodi estraga komunidade sira nian hela fatin, inklui komunidade balun lakon nia vida.*

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: