Serka Sanitaria Fo Impaktu Ba Negosiu Kiik

DILI, STLNEWS.co – Governu implementa serka sanitaria no konfinamentu obrigatoriu fo impaktu ba atividade negosiu kiik sira neebe produs fugaun. Lia hirak nee hatoo husi Koordenador Defisiensia Moris Buka Rasik, Federico Hornai ba STL, liu husi telefone, Kuarta (05/05/2021).

“Hau hanoin governu implementa serka sanitaria no konfinamentu obrigatoriu neebe mak iha ita nia rai, fo impaktu tebes ba ami nia atividade negosiu kiik neebe mak ami nia grupu kiik sira halo, tanba ami labele hetan rendimentu no movimentu komunidade mos limitadu teb-tebes, nomos orsamentu mos laiha neebe ema lasosa ami nia produtu fugaun entaun ami labele hetan osan,” dehan Federico.

Nia informa tan, durante implementa serka sanitaria sira nia produtu fugaun Timor lafolin. Governu sulan ninian povu hodi mate hamlaha maibe laos mate tanba Corona, tanba Corona nee mosu laos husi Timor maibe husi nasaun seluk mai iha Timor.

“Ita hotu hatene katak governu implementa hela serka sanitaria no konfinamentu obrigatoriu, maibe aviaun kontinua ba mai hela deit, ita ba estranjeiru nee susar mais estranjeiru sira mai iha Timor nee kontinua aumenta,” katak nia.

Nia dehan, iha nasaun seluk governu implementa serka sanitaria nee governu iha planu neebe diak hodi fo apoiu ba nia povu, tanba povu sira labele sai no lao ba mai.

Iha fatin hanesan, Elio jeronimo Mendonça, hanesan traballador haktuir bainhira serka sanitaria nee mosu ema nunka hola produtu sira neebe mak iha.

“Produtu fugaun nee ema hola mak bele ami hetan osan husi ida nee, maibe ema lahola entaun labele hetan osan,” dehan Elio.*

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Povu Uailili Infrenta Infraestrutura Baziku

DILI, STLNEWS.co – Infraestrutura baziku to'o oras nee sei sai nafatin preokupasaun boot ba komunidade sira iha baze, liu - liu estrada no eletrisidade...

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...
%d bloggers like this: