Serka Sanitaria Presu Nesesidade Sae Iha Munisipiu

DILI, STLNEWS.co – Serka sanitaria neebe governu implementa iha rai laran, halo presu nesesidade baziku sae makas iha Munisipiu no Postu Administrativu sira.

Tuir Eugenia Gomes (emprezaria) katak, Serka Sanitaria neebe governu estabelese hodi halo prevensaun ba surtu Covid-19 nee, fo impaktu ba presu nesesidade baziku sae makas iha Munisipiu liu liu Postu Administrativia, tanba nesesidade baziku sira nee sosa tutan ba tutan, tanba nee presu la permanente.

“Presu nesesidade baziku sae tanba, ami la ba sosa too iha nasional Ka Dili, ami simu tutan fali husi emprezariu balun neebe iha surat lisensa hodi tama ba sosa sasan iha Dili, tanba nee fos importasaun ami sosa tutan ho presu $12,75 cent, mai faan fali ho presu $14, balun presu $14,50 cent nee. 25kg no 20 kg ho presu $13 dolar mai karaik, supermi ami hola ho presu 7 dos ida ami faan fali $7,50 cent nee sura ho kareta nian mina 2 liter, ho presu $3, 5 liter $6,75 cent, maibe antes seidauk taka dalan ba Dili nee presu normal,” dehan Eugenia ba STL, liu husi telefone, Tersa (04/05/2021).

Nia afirma, fos governu nian ho marka MTCI nee, ema faan ho presu $11,75 cent no sosa ba faan fali ho presu $13 dolar kada saka, tanba sura ho kareta nian hotu, maibe fos importasaun nee ema faan hahu menus, tanba atu ba sosa iha armajen ka sosa iha Dili nee, tenke iha surat lisensa ka lao tuir protukolu OMS nian, tanba nee ema neebe iha surat mak foin ba sosa iha Dili, hirak neebe laiha surat nee tenke simu tutan fali deit, tanba nee mak halo presu nesesidade sae iha Postu no Munisipiu.

Iha parte seluk Vise Prezidrnte Camara Comersiu Industria Timor Leste (CCI-TL) Rui Castro dehan, governu bele halo politika oin oin, maibe atividade povu kiik nian, liu liu negosiu sira nee tenke lao nafatin, no halo kontrolu mos ba presu nesesidade naziku, hahu husi nasional too iha postu sira, atu nunee povu labele halerik ba presu, no vida ekonomia ekonomia iha rai laran bele lao nafatin, maske TL infrenta hela Covid.

Nunee mos too notisia nee hatun, STL seidauk halo konfirmasaun ba ministeriu relevante, liu liu AIFAESA.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...

Familia La Simu Matebian LM Tara Aan Mesak, Teofilo: Hau Hein Rezultadu Investigasaun

DILI, STLNEWS co - Familia husi matebian Lebenita Madeira neebe deskonfia tara aan iha nia rezidensia Bebonuk nee sira la simu, tanba nee husu...

Rede Feto Triste, Feto Sai Vitima

DILI, STLNEWS.co - Rede Feto Timor Leste triste hodi asiste sitausaun realidade, neebe akontese halo feto sai vitima ba situasaun moris iha familia, liu...
%d bloggers like this: