Serka Sanitaria SERVE Fo Atendimentu Liu Husi Online

DILI, STLNEWS.co – Estabelese serka sanitaria (SS) no konfinamentu obrigatoriu hodi halo prevensaun ba surtu Covid-19, tanba nee Servisu Rejistu Verifikasaun Emrezarial (SERVE) labele halo atendimentu ba kompania sira neebe presiza atu trata dokumentus ruma, tanba SERVE fasilita atendimentu liu husi online.

“Durante serka sanitaria, konfinamentu obrigatoriu, SERVE labele halo atendimentu ba kompania sira neebe atu trata dokumentu ruma iha SERVE, tanaba nee atu labele halibur ema barak iha edifisiu, mak SERVE fasilita atendimentu liu husi online deit, maibe iha asuntu balu neebe importante tebes nee, ami sei bele atende,” dehan Diretor Ezekutivu SERVE, Florencio Sanches ba STL, liu husi telefone, Kinta (06/05/2021).

Nia afirma durante estabelese serka sanitaria iha rai laran, SERVE halo kedas nian nia atendimentu liu husi online ka e-mail deit, foin dadauk membru Parlamentu Nasional sira mos mai vizita ona, no sira apoiu SERVE atu sosa nia elektronik konaba Servisu Integradu Serve (SIS) no tinan oin ekipamentus sira nee bele iha ona hodi fasilita diak liu tan atendimentu SERVE nian, bele evita ema labele halibur barak, no atendimentu hotu hotu bele liu husi elektronik deit.

Iha parte seluk emprezariu lokal, Domingos Magalhães hatutan, politika SERVE nian atu halo atendimentu online nee diak tebes, maibe SERVE tenke halo mos sosializasun iha baze atu nunee setor privadu sira ka negosiu kiik sira nee mos bele hatene, tanba agora ema hotu toman ona ba antrian iha edifisiu SERVE hodi trata dokumentus, tanba seidauk hatene SERVE atende liu husi online.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: