Sertifikadu Mate; SERVE Hasai Desizaun Moris Nafatin

Diretor Ezekutivu SERVE, Florencio Sanches. (Foto: STL/Jacinta Sequeira)

DILI, STLNEWS.co – Serka sanitaria neebe aplika iha kapital Dili, Baucau no Viqueque, sertidaun sertifikadu kompanian mate, SERVE hasai desizaun sei moris nafatin, atu nunee maluk sira bele ezerse sira nia atividade ekonomiku.

Diretor Ezekutivu SERVE, Florencio Sanches hatete, maski simu rejistu foun ba kompania sira nee kontinua lao nafatin, maibe parte SERVE nian nafatin husu ba maluk sira bele hatoo sira nian pedidu liu husi email neebe mak iha ona, tanba aplikasaun SS nee, ema hotu tenke kumpre ba regras ida nee, labele halibur malu liu husi ema nain 10.

“Hau hanoin parte SERVE nian mos kumpre nafatin regras, neebe ami halo hela orariu rotasaun, ida ohin loron tama loron rua tolu, ida seluk tama fali, para labele liu ema nain 10, nee primeiru, hau hanoin pedidu atu rejistu kompania nee, too ohin loron sei tama nafatin mai iha parte SERVE nian, maski rejistu nafatin aplika, tenke rejistu liu husi email, ami simu nafatin pedidu, maibe liu husi eletroniku deit, ida nee ita kontinua aplika nafatin deit, segundu ba sira neebe mak kompania sei eziste, maibe ninia sertidaun ou sertifikadu mate, ida nee SERVE konsidera sei moris nafatin,” dehan Florencio ba STL liu telefone, Kuarta (07/04/2021).

Nia hatutan, liu husi media ida nee, hakarak atu apela ba iha entidade sira hotu katak, sertidaun ou sertifikadu neebe mak agora dadaun iha emprezariu sira nian liman nee kaduka, nee konsidera sei moris nafatin too SS remata, agora kompania hirak neebe mak atu rejistu, nee parte SERVE nian labele rejistu hasoru maluk sira, nee viola fali regras iha SS rasik, tanba nee, SERVE hasai desizaun katak, sertidaun sira nee sei moris nafatin, atu nunee sira bele ezerse sira nian atividades ekonomiku.

Iha parte seluk, Francisco Barreto Nunes, hanesan emprezariu lokal, nain ba kompania FRANBA unip.Lda, dehan, ida nee diak, tanba parte SERVE nian mos husu nafatin ba maluk emprezariu hirak neebe mak atu rejistu kompania, nee bele haruka liu husi email neebe iha, agora sertidaun neebe mak mate mos sei kontinua moris nafatin, tanba parte SERVE haree ba iha situasaun SS ida nee.*

Reportajen: Jacinta Sequeira/Blandina Mauno
Editor: Ekipa STL

LEAVE A REPLY

Please enter your comment!
Please enter your name here