SERVE Hein Pedidu Husi Kompania Internasional

Servisu Rejistu e Verifikasaun Emprezarial (SERVE), hein pedidu ofisial ida husi kompania internasional tolu, neebe prontu atu mai halo investimentu iha Timor Leste (TL). (Foto: STL/Jacinta Sequeira)

DILI, STLNEWS.co – Servisu Rejistu e Verifikasaun Emprezarial (SERVE), hein pedidu ofisial ida husi kompania internasional tolu, neebe prontu atu mai halo investimentu iha Timor Leste (TL).

Direitor Ezekutivu SERVE, Florencio Sanches hatete, area agrikultura sira hakarak halai liu ba, oinsa mak atu kaer ikan tanba sira mos akompania notisia katak, tasi Timor tasi luan.

Nia hatutan, TL too ohin loron seidauk iha ro propriu ida atu ba kaer ikan tanba nee sira hakarak investe iha ro kaer ikan ninia hein katak, iha fulan ida ou rua nian laran, pedidu ofisial ida mai para bele fasilita rejistu sira nian kompania, ho nunee bele dezenvolve ekonomia iha rai laran.

“Tebes duni katak, SERVE simu duni telefone balun, iha komunikasaun ho emprezariu internasional sira, tanba sira rasik akompania katak, iha primeira vez tinan 1 ba kotuk, estadu no governu TL aprova ona sira nian OJE tinan ida nee nian, tanba uluk lae iha mos OJE neebe aloka ba infranstrutura,” dehan Florencio ba STL, iha edifisiu Serve Hudi Laran, Dili, Tersa (26/01/2021).

Nia esplika iha kompania internasional tolu, rua mai husi Xina no kompania ida seluk mai husi Amerika, tanba sira husu autoriza governu TL bele rejista lista ikan neebe mak sira atu kaer no balun neebe labele, nee nasaun hotu hanesan laos lisensa atu kaer hotu ikan nee labele.

“Se pedidu ofisial mai, Serve sei kanaliza sira ba iha MAP, para bele fo atensaun ba sira, agora dadaun parte Serve nian sei hein hela pedidu ofisial, ida fali konaba mina, tanba kompania mina nian, nee lubuk ida, nee kuaze pais hotu-hotu, sira hakarak hola parte iha konkursu publiku neebe mak ANPM halo posu iha 18, neebe mak sira konkorda, neebe hau dehan, importante mak nee, sira tenke rejista sira nian entidade,” nia esplika.*

Reportajen: Jacinta Sequeira/Madalena Horta
Editora: Carme Ximenes

LEAVE A REPLY

Please enter your comment!
Please enter your name here