Sesta Bazika Fo Benefisiu Agrikultor

Programa sesta bazika neebe governu implementa fo benefisiu ba povu agrikultor sira iha baze, tan nee husu ba agrikultor sira atu servisu badinas liu tan, hodi hasae produsaun agrikula iha rai laran. kestaun nee fo sai husi Fernando Maia (emprezariu) ba STL, iha Audian, Segunda (04/01/2/2021). (Foto: Facebook)

DILI, STLNEWS.co – Programa sesta bazika neebe governu implementa fo benefisiu ba povu agrikultor sira iha baze, tan nee husu ba agrikultor sira atu servisu badinas liu tan, hodi hasae produsaun agrikula iha rai laran. kestaun nee fo sai husi Fernando Maia (emprezariu) ba STL, iha Audian, Segunda (04/01/2/2021).

“Ita hare programa sesra bazika nee fo duni benefisiu ba povu agrikultur sira, tanba agrikultor sira nia modo tahan oan sira nee folin tebes iha merkadu, no loja nain balu ba sosa too iha agrikultur nia toos laran, ida nee hatudu katak sirkulasaun osan hahu lao iha rai laran, no rendimentu ba povu kiik nee iha duni,” dehan Fernando.

Nia afirma politika governu nian hodi realize programa sesta bazika, ho razaun katak atu halo rekuperasaun ekonomia, maibe implementasaun programa sesta baziku nee implementa ho tempu neebe limitadu ka tempu neebe naton deit.

“Ita haree ba servisu povu agrikultur iha baze lao makas tebes, tan nee tauk maka sesta baziku remata no povu nia produtu la folin iha merkadu, tan nee husu governu atu toma atensaun nafatin, oinsa fasilita merkadu wainhira programa sesta baziku nee remata, maibe povu nia produtu nafatin folin iha merkadu,” dehan setor privadu nee.

Iha fatin hanesan Manajer Super market W-Four, Leoniza C. Ximenes hatete, programa sesta bazika nee diak, no fo duni benefisiu ba povu iha baze, no loja W-Four mos distribui hotu sesta baziku ba komunidade sira.

“Ita hare sesta bazika nee kuaze lao iha fatin fatin, no W-four mos hanesan distributor ba programa nee, ami tenke prepara aihan neebe sufisiente iha loja laran ho nunee bele fasilita benefisiariu sira,” dehan Manajer supermarket W-Four.*

Reportajen: Madalena Horta/ Jacinta Sequeira
Editora: Carme Ximenes

LEAVE A REPLY

Please enter your comment!
Please enter your name here