Sesta Bazika Fo Lukru Ba Kompania, Laos Povu

DILI, STLNEWS.co – Programa sesta bazika neebe governu implementa, fo lukru ba kompania laos ba povu, tanba kuantidade sasan latoo osan $50, nomos laos sasan lokal maibe importadu no kualidade sasan ladiak.

“Sesta bazika nee fo lukru ba kompania laos ba povu tanba kuantidade sasan folin latoo $50, i mos sasan sira nee laos lokal maibe sasan importasaun, nomos kulidade sasan ladiak. Rajaun sira nee sai baze ba komunidade balun lamenta no rejeita atu simu,” lia hirak nee hatoo husi akademista UNTL, Felisberto de Carvalho ba STL liu husi telefone, Domingu (13/06/2021).

Nia informa tan, tuir lolos programa sesta bazika nee hapara ona no troka ho programa seluk pur ezemplu fo deit ona osan kada familia.

“Diak liu nee para ona ho sesta bazika nee, no fo deit osan ba kada familia ida maka hodi sosa rasik ninian nesesidade loro- loron,” katak nia.

Iha fatin ketak, Akademista Universidade Dili (UNDIL) atual Vice Reitor III, Hugo Lourenco da Costa dehan, povu hakilar bebeik ona kona ba asuntu sesta bazika, maibe ukun nain ho empreza sira kongkalikong hodi fahe projetu ba malu, hamate povu no uza povu nia osan deve tan empreza no povu maka sai susar nafatin iha vida ekonomia.

Nia hatutan, maibe empreza la sala tanba governu mos osan laiha atu halo pagamentu ba kompania sira, tanba osan laiha deve tun sae hodi hamate fali mos empreza.

“Sesta bazika ne lamerese ona atu halo, tanba distribuisaun sasan ho valor orsamentu la iha balansu,” hakotu nia.*

Reportajen: Natalina Lopes
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: