Sesta Bazika Lamerese Ba Povu

DILI, STLNEWS.co – Akademista husi Universidade Dili (UNDIL) atual Vice Reitor III, Hugo Lorenco da Costa hatete, sesta bazika lamerese ba povu tanba distribuisaun sasan ho valor orsamentu laiha.

“Kona ba sesta bazika nee laos buat foun, ohin mak sira iha PN kestiona, maibe povu hakilar bebeik ona kona ba asuntu ida nee, ukun nain ho empreza sira kongkalikong hodi fahe projetu ba malu, hamate povu no uza povu nia osan deve tan empreza no povu mak sai susar nafatin iha vida ekonomia,” dehan Hugo Lourenco ba STL liu husi telefone, Kinta (10/06/2021).

Nia hatutan, alternativu mak sai katak, governu tenki ense armajen estadu ho aihan ba povu, OJE tenki iha para governu hakarak dada SS ho KO too tinan atus ida no povu lalika serbisu, governu fo hahan loron-loron deit.

Maibe empreza lasala, tanba governu mos osan laiha halo pagamentu ba povu no hamate fali mos empreza, se valores sira nee ita laharee ba ukun no ukun nain nee mos laiha folin.

Governasaun ida iha rai no povu, governu ukun rai no ukun povu, povu laiha governu nee ukun saida no ukun nee mai husi neebe. Tanba nee mak ukun nain presiza hatene katak sira ukun ema, laos ukun animal.

Iha fatin seluk, antes nee Diretor Fiskalizasaun no Rekomendasaun Bartolomeo Goncalves katak, PDHJ halo hela monitorizasaun ba programa sesta bazika, nunee PDHJ halo kobertura iha Munisipiu Dili, Baucau, Same, Maliana, inklui RAEOA, neebe maka ekipa PDHJ halo monitorizasaun ba programa Sesta Bazika.

Nia afirma, iha monitorizasaun nee PDHJ identifika katak, iha kompania balun neebe hetan projetu tenderizasaun ba programa sesta bazika nee, hanesan iha Oecusse benefisiariu sira kestiona tanba sasan folin too deit 37/38 dolares, maibe latoo 50 dolares tuir montante neebe governu deside ona.*

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: