Sesta Bazika Laos Rekupera Ekonomia

Movimentu Nasional Defende Costituisaun (MNDC), konsidera sesta bazika neebe governu implementa, laos atu rekupera ekonomia iha rai laran, maibe atu halo povu kiak iha tempu oin mai. (Foto: STL/Natalina Lopes)

DILI, STLNEWS.co – Movimentu Nasional Defende Costituisaun (MNDC), konsidera sesta bazika neebe governu implementa, laos atu rekupera ekonomia iha rai laran, maibe atu halo povu kiak iha tempu oin mai.

Lia hirak hatoo liu husi Prezidente MNDC, Cornelio Barros ba jornalista sira liu husi konferensia imprensa, neebe halao iha Farol, Dili, Segunda (01/02/2021).

“Politika sesta bazika, rekuperasaun ekonomika katak atu hamoris modelu ekonomia foun ba povu, liu hosi kompania sira hodi hamosu empregu ba povu. Laos fahe hahan ba povu han mou deit no halo povu kiak iha tempu oin mai, nee laos rekuperasaun ekonomika, nee presaun no kriasaun dependensia ba governu inkonstitusional,” dehan nia.

Nia hatutan tan, tanba nee implementasaun politika sesta bazika, atu taka ba publiku katak konstituisaun lao diak hela.

MNDC hakarak fo hatene ba povu Timor-Leste, governu ida nee ukun la ho lei no konstituisaun, tanba nee maka hamosu problema oi-oin neebe halo povu moris terus hanesan ida nee la hatene bainhira hotu.

Povu moris iha duvida no inserteza maibe governante goza euforia kompleta (isin no klamar) nian.

Governu finje fahe sesta bazika neebe halao dadaun halo terus no susar kompania sira neebe suporta sesta bazika, maibe la iha osan atu selu kompania sira nee.*

Reportajen: Natalina Lopes
Editor: Carme Ximenes

LEAVE A REPLY

Please enter your comment!
Please enter your name here