Sesta Bazika Orienta Agrikultur Produs

Sesta bazika desde inisiu iha obstakulu no dezafiu barak, maibe nia presedementu barak konsege lao. (Foto: Dok. Javelino Qenura)

DILI, STLNEWS.co – Sesta bazika orienta dadauk ona povu atu fila ba halo tos ho natar, no agora agrikultur barak maka hahu produs, maibe ba futuru agrikultur sira sei hasoru problema bainhira programa sesta baziku nia data determina, maka produtu lokal sei la folin ona iha merkadu.

“Ita hare programa sesta bazika halo kompania nasional sira, tun ba baze hodi sosa hadauk malu povu nia produtu, tanba momentu ida agora kompania sira hetan hela projetu ou sai distributor aihan sesta baziku ba benefisiariu sira, tan nee produtu lokal folin, maibe aban bain rua sesta bazika remata maka, produtu lokal la folin iha merkadu, no ita bele file ba tempu uluk katak, buat hotu depende ba importasaun, ita nia toos ho natar iha rai liur,” kestaun nee fo sai husi Xefe Juventude Bairo Foun, Marito Bareto, ba STL, Sesta (19/02/2021) iha nia knaar fatin Tasi Tolu.

Nia mos afirma liu tan katak, programa sesta bazika laos governu apoiu ba longu prazu, maibe tempurariu deit, no hare ba esforsu povu agrikultur nian iha tinan ida nee, hatudu duni sira nia badinas atu hasae produsaun, tanba munispiu balun tinan ida sira produs dala ruma bainhira udan ben diak, no parte ida maka agora negosiante kiik sira la hakilar ona konaba rendimentu, tanba uluk nee bainhira ba sosa modo iha merkadu, negosiante sira dehan modo tahan sai menus tanba ema la sosa, ho sesta baziku nee sira la halerik ona.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here