Setor Privadu Halerik

DILI, STLNEWS.co – Camara Comersiu Industria TL, (CCI-TL) hanesan mahon ba setor privadu iha rai laran, tenke koalia ho governu hodi hamoris atividade setor privadu, tanba tinan hirak nia laran projetu laiha halo sira halerik.

Kestaun nee fo sai husi Administrador Munisipiu Ainaro, Leovigildo Amaral Pereira, bainhira partesipa iha inagurasaun Sukursal BNCTL Ainaro, Domingu (11/07/2021).

“Hau hanoin CCI-TL hanesan mahon ba setor privadu, tan nee Prezidente CCI-TL, labele nonok maibe koalia ho governu atu halo netik buat ruma iha rai laran, hodi fo servisu ba Setor privadu sira, tanba Tinan hirak nia laran, projetu laiha, imlika ba moris emprezarou nian, no hasae mos numeru Dezempregu iha rai laran,” dehan Leo Vigildo.

Nia afirma, durante impase politika mai too Covid-19, setor privadu moris susar tebe, tanba tinan tolu ou hat nia laran, sira la hetan projetu halo sira nia moris susar tebes, tanba nee husu mos ba governu atu kria atividade ruma iha area remotas, ho nunee setor privadu sira bele fo servisu ba joven neebe too agora sei dezempregu.

Hatan ba kestaun nee Prezidente Camara Comersiu Industria TL (CCI-TL,) Oscar Lima hatete, hanesan Prezidente CCI-TL, durante nee la nonok, hasoru hela governu no too mos Primeiru Ministru, atu hanoin netik setor privadu nia halerik sira nee, maibe resposta governu nian maka, hasoru hela situasaun defisil tanba deit Pandemia Covid-19.

“Hau koalia bebeik ona ho governu, ezijensia ita nia maka, governu tenke investe makas iha setor infraestrutura atu nunee setor privafu sira mos bele fo servisu ba Timor oan sira, hau defende setor privadu, tanba sira maka hili hau sai Prezidente CCI-TL, maibe dala ruma governu fo tiha projetu ba kaer, maibe la jere ho diak nee maka sai pronlema, Uluk Katuas Xanana nia ukun fo ona projetu didiak deit maibe dala ruma setor privadu la jere didiak,” dehan Oscar Lima.

Nia mos afirma liu tan katak, uluk Xanana nia ukun fo projetu didiak deit, maibe setor privadu sira la hatene jere mo lakohi jalo jestaun ho didiak, tanba nee bain hira simu osan iha liman, hola kareta ida la diak ba hola fali ida, no agora projetu laiha mak foin halerik, maibe governu la fo.*

Reportajen: Madalena Horta
Editora: Carme Ximenes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: