Setor Privadu Hasoru Problema Iha Tempu Pandemia Covid-19

DILI, STLNEWS.co – Ho pandemia Covid-19 neebe too agora seidauk lakon iha mundu, halo setor privadu hasoru problema, tanba sira laiha finansiamentu hodi selu traballador sira.

“Ita boot, media sira mos hatene katak, ita tinan ida liu ona mak hasoru moras Covid-19 ida nee, tanba too agora moras nee sei kontinua eziste nafatin, depois ita nian numeru pozitivu kada loron sempre aumenta bebeik, ita nian dezenvolvimentu rai laran paradu, laiha projetu foun ruma, ami hanesan setor privadu hasoru defikuldade teb-tebes, tanba ami ladun hetan rendimentu neebe mak diak, ami halo negosiu ruma mos hetan rendimentu kiik, la hanesan ho uluk moras nee seidauk mosu iha ita nian rai,” dehan Carlos Mendes Maia, hanesan nain ba kompania Fiar Metin Unip.Lda ba STL, liu husi telefone, Kinta (29/04/2021).

Nia dehan, Covid-19 neebe agora aplika tan SS, para bele halo prevensaun ba moras ida nee, tanba iha Dili laran kazu pozitivu kada loron sempre aumenta ba bebeik, durante nee kompania balun hapara ninia traballador, tanba laiha vensimentu atu selu ba traballador sira.

Iha fatin seluk, akademista UNTL, Camilio Ximenes Almeida, hatete, emprezariu barak labele aguenta ona, tanba ho atividades neebe mak menus, tanba too agora peritus husi parte saude nian seidauk fo sai katak Covid-19 nee sei lakon fulan oin ou tinan oin.

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: