Setor Privadu Laiha Rendimentu Selu Taxa

DILI, STLNEWS.co – Investimentu neebe durante nee membru Associação Comercial da Comunidade Chinesa Timor Oan (ACCCTO) investe iha area oin oin, hanesan setor komersial, industria, turizmu, hospitalidade, agrikultura, no seluk seluk tan ida neebe hola parte iha setor infraestrutura 10% deit, maibe atividade hirak nee paradu tanba impase politika no Covid-19 sai amesa, laiha rendimentu selu taxa ba estadu. Kestaun nee hatoo husi Prezidente ACCCTO, Kathleen Goncalves ba STL, liu husi telefone,Tersa (04/05/2021).

“Hanesan setor privadu ita triste ho realidade neebe ita hasoru durante nee, tanba antes hasoru impase politika agora hasoru tan Covid, governu establese serka sanitaria, ka konfinentu obrigatoriu halo negosiu iha rai laran labele lao, atividade hotu sai paradu, kompania nasional no internasional barak mak taka, impaktu ba numeru dezempregu aas iha rai laran, movimentu ekonomia sai paradu total, reseitas ba estadu sei laiha tanba setor privadu nia atividade paradu,” dehan Kathleen Goncalves.

Nia afirma hafoin remata impase politika iha rai laran, seidauk rezolve problema ekonomia, TL hasoru tan fali Covid-19 no haree ba numeru covid neebe kada loron aumenta ba bebeik, tanba nee governu estabelese tan regras lubuk ida hodi kombate i prevene Covid iha TL, tanba nee liu husi regras ka estadu emerjensia, serka sanitaria no medidas sira nee limita ema nia negosiu hodi hamate direta setor privadu nia atividade tomak.

Membru ACCCTO nia atividade la depende ba projetu governu nian, tanba ACCCTO hakarak atu sai parseiru neebe diak hodi kontribui ba prosesu dezenvolvimentu ekonomia sustentavel iha rai laran no bele kria kampu servisu ba Timor oan sira.

Hanesan setor privadu prontu atu koopera ho governu, liu husi selu taxa maibe depende ba rendimentu neebe membru ACCCTO sira hetan, atividade la lao mak taxa ba estadu mos la lao, tanba atividade la lao mak setor privadu laiha osan atu selu taxa, tanba selu taxa tenke bazeia ba rendimentu, maibe ho situasaun Covid-19 halo atividade paradu tan nee susar ba setor privadu atu selu taxa, tanba laiha rendientu.

Iha parte seluk, Vise Prezidente CCI-TL Rui Castro hatete, setor privadu atu selu taxa bainhira atividade hotu lao, hanesan importa manu broiler husi liur mai mak dever kompania importador nian tenke selu taxa ba kofre estadu, tanba importa ona sasan mai, maibe atividade la lao mak sei la selu taxa.

“Hau hanoin investor rai laran ka rai liur bele selu taxa ba estadu, maibe bainhira ita nia atividade lao, ami importa manu broiler setiap tama mai ami mos selu kedas taxa ba estadu no hanesan maluk sira neebe importa sasan husi liur mai sira tenke selu taxa, maibe maluk sira neebe atividade la lao nee parese la selu, tanba rendimentu laiha,” dehan nia.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: