Setor Privadu Preokupa Eskema Garantia Iha Banku

Vise Prezidente CCI-TL, Rui Castro. (Foto: STL/Madalena Horta)

DILI, STLNEWS.co – Setor privadu kestiona eskema garantia iha Banku, tanba tinan rua ona empreza rua hetan kreditu, lolos governu tenke halo avaliasaun.

Vise Prezidente CCI-TL, Rui Castro kestiona tanba sa empreza rua deit, mak foin asesu eskema garantia nee.

“Ami setor privadu preokupa, tanba tinan rua ona foin impreza rua maka hetan aprovasaun husi banku hodi asesu ba kreditu, lolos fulan 6 governu tenke halo avalisaun, tanba sa maka setor privadu la aprezenta proposta hodi asesu ba kreditu, lolos governu tenke buka hatene, keta iha problema ruma katik’ maibe realidade governu la halo,” dehan Rui ba jornalista, iha Novo Turismo, Tersa (22/12/2020).

Nia afirma setor privadu sente todan, ho jurus neebe maka banku fo, tanba nee BNCTL foti 2% Banku Central TL (BCTL) foti 7%, osan governu tau atu gasilita setor privadu sira, maibe ho funan 9% nee hanesan deit, tan nee tinan rua ona proposta husi setor privadu la liu ba banku, oinsa atu aumenta osan funan.

Rui mos husu ba governu atu tau osan iha BNCT, liu liu osan estadu nian neebe liga ho resetas rai laran, tenke tau iha BNCTL, atu nunee fo kreditu ba ema hotu, osan estadu nian labele tau iha banku lao rai sira nee, tanba banku lao rai sei la fo kreditu ba Timor oan sira, so BNCTL mak bele fo kreditu, karik governu asegura tiha osan estadu nian banku lao rai sira, depois plus hela BNCTL atu fo kreditu, nee susar tanba BNCTL osan laiha, tan nee ba oin tenke hadia sistema sira nee. *

Reportajen: Madalena Horta
Editora: Carme Ximenes

LEAVE A REPLY

Please enter your comment!
Please enter your name here