Sinarmas Eziste Ona Iha Timor Leste

DILI, STLNEWS.co – Kompania Sinarmas Life Insurance S.A, halao lansamentu ba produtu primeiru, neebe relasiona ho seguru de vida credito.

Ba jornalista sira, Manager Marketing Sinarmas Life Insurance S.A, Yohanes Usboko dehan, kompania nee harii bazeia ba lei seguru no negosiu, neebe vigora iha Timor Leste.

“Ohin loron 12 fulan Maiu tinan 2022, Sinarmas Life Insurance S,A ho fiar aan tomak hakarak deklara ba publiku katak, ami hanesan kompania seguru de vida primeiru iha Timor-Leste, tanba nee kompania Sinarmas life insurance harii bazeia ba Lei seguru no bisnis vigora iha Timor Leste, tanba produtu dahuluk no prinsipal neebe mak ami atu ofrese merkadu mak seguru de vida, ka Asuransi Jiwa credito,” hatete nia iha serimonia lansamentu neebe halao iha Bidau, Dili, Kinta nee (12/05/2022).

Nia dehan, konaba produtu dahuluk, klientes kreditu sira iha banku lokal hatene ona benefisu husi kreditu nee mak atu garante tusan kreditu husi kreditor, neebe sei hetan selu wainhira nia kliente mate ou hetan dezastre.

Tanba moris risku nee mak dala barak ema la hanoin, katak wainhira isin sei forsa, oinsa atu proteje aan, katak buat la diak sei mosu iha idak-idak nia moris.

Iha fatin hanesan, Xefi Administrasaun no Finansa Sinarmas Life Insurance S.A, Sebestiao Martins informa, ohin loron lansamentu iha primeiru produtu, nee mak seguru de vida credito, neebe sira atu halao iha pais ida nee.

“Hau atu dehan katak, iha seguru de vida credito nee nia fo protesaun ba parte neebe mak halo impresta no ba parte neebe mak fo impresta, sei wainhira parte neebe mak halo nee karik nia hetan dezastre ruma, hanesan mate tanba moras, no mate tanba dezastre, nee mak kompania Sinarmas Life Insurance nia responsabilidade tomak, lori selu fali osan restu neebe mak saudozu ou saudoza husik hela,” nia deklara.

(jen/don)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...