SMEJD Baucau Hetan Projetu 30 Husi MEJD

BAUCAU, STLNEWS.co – Servisu Ministeriu Edukasaun, Juventude, no Desportu (SMEJD), Munisipiu Baucau tinan nee hetan projetu konstrusaun no reabilitasaun infraestrutura edukativu hamutuk tolu nulu (30) iha tinan nee, husi Ministeriu refere.

Lia hirak nee hatoo husi Diretor Servisu Edukasaun Munisipiu Baucau, Augusto Ornai Ximenes ba jornalista iha nia knaar fatin Kuarta nee (01/09/2021).

“Munisipiu Baucau ita hetan projetu 30 husi programa ida bolu programa konstrusaun no reabilitasaun infraestrutura edukativa,” dehan diretor nee.

Nia hatutan, projetu implementasaun konstrusaun no reabilitasaun infraestrutura edukativu ba tinan nee, husi Munisipiu Baucau antes nee halo aprezentasaun ba MEJD, no hetan aprovasaun ba projetu hamutuk rua nulu resin neen (26) ba konstrusaun no reabilitasaun infraestrutura edukativu, maibe haree ba situasaun neebe eskola Baucau hasoru MEJD aprova tan projetu adisional haat (4).

Diretor nee hateten, planu projetu no formasaun lolos implementa tiha ona iha fulan Abril tinan nee, maibe situasaun Covid-19 nunee implementa fali iha ohin 1 fulan Setembru tinan 2021.

Orsamentu ba projetu konstrusaun no reabilitasaun edukativu atu implementa iha Munisipiu Baucau seidauk hatene loos, tanba projetu nee ho tipu la hanesan, iha eskola balun mak atu halo konstrusaun foun no mos iha eskola balun halo reabilitasaun.

Iha fatin hanesan, Prezidente Autoridade Munisipiu (PAM) Baucau, Olivio Freitas hateten, husi projetu nee sei harii edifisiu eskola foun halo realibilitasaun nomos aumenta sala.

Ba projetu nee, sei la fo ba kompania sira, maibe fo ba komunidade sira mak kaer, atu nunee fo benefisiu direitu ba komunidade sira.

PAM nee hateten, projetu nee sei implementa iha tinan ida nee no remata iha tinan oin.*

Reportajen: Tomas Reis
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: