Sosiedade Sivil Husu Governu Fo Subsidiu Ba Familia

DILI, STLNEWS.co – Relasiona ho moras pandemia Covid-19 neebe kada loron kontinua aumenta, obriga governu tenke aplika estadu emerjensia, serka sanitaria, no konfinamentu obrigatoriu. Nunee halo komunidade sira balun laiha osan atu hola hahan hodi sustenta familia, tanba nee sosiedade sivil husu ba governu atu apoiu subsidiu kada agregadu familia.

Ezijensia nee hatoo husi Diretor Ezekutivu FONGTIL, Daniel Santos do Carmo, katak iha situasaun ohin loron meius neebe diak atu apoiu ba populasaun sira, atu bele sustenta populasaun sira mak oinsa governu tenke aselera fo subsidiu ba populasaun sira.

“Ami hanoin katak iha situasaun agora nee meius neebe diak mak oinsa governu tenke aselera fo subsidiu ba populasaun sira kada agregadu familia,” dehan Diretor Ezekutivu FONGTIL ba STL liu husi telefone, Sesta (07/05/2021).

Nia dehan, iha parte seluk mak governu tenke loke posko humanitaria, nunee populasaun neebe hamlaha sira bele ba foti ai-han iha posko.

“Governu fo subsidiu ba agregadu familia no fo mos subsidiu ba setor ekonomia informal hanesan motorista sira, tanba iha situasaun agora movimentu transporte publiku sira mos lahalao movimentu, nunee governu tenki apoiu hotu subsidiu ba sira,” tenik nia.

Tanba nee oinsa mak governu koordena ho banku sira atu fo espasu ba kreditor sira neebe halo kreditu, hodi hamenus nia funan husi kreditu.

Iha fatin ketak, Xefe Suku Bebonuk Serafin Macedo haktuir, serka sanitaria fo impaktu ba komunidade sira, liu-liu ba sira neebe buka osan liu husi pineira rai henek.

“Iha Suku Bebonuk kuaze komunidade buka moris liu husi pineira rai henek, tanba nee iha tempu serka sanitaria nee dezenvolvimentu hotu lalao, tanba nee komunidade sira laiha osan atu hola hahan,” dehan nia.

Nia dehan, komunidade enjeral iha suku Bebonuk seidauk rona lolos konaba komunidade balun halerik ba hahan iha tempu serka sanitaria, maibe Autoridade Lokal haree katak bainhira governu kontinua extende serka sanitaria mak jatamente iha komunidade balun sei halerik ba hahan.*

Reportajen: Santina Castro
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: